Charter Document - 04870327
Charter Number: 04870327
Cartulary Title: Cartulaire de Sainte-Croix d'Orléans
Charter Language: Latin
Charter Origin: Royal
Charter Type(s): Decree
Date: 1275
Date Type: Internal, A.D.
Resource Link(s): Cartulaires d'Île-de-France
View Map
Cartulary Title: Cartulaire de Sainte-Croix d'Orléans
Charter Language: Latin
Charter Origin: Royal
Charter Type(s): Decree
Date: 1275
Date Type: Internal, A.D.
Resource Link(s): Cartulaires d'Île-de-France
View Map
Charter:
Philippus Dei gracia Francorum rex notum facimus universis tam presentibus quam futuris quod cum subdecanus Aurelianensis proponeret coram nobis quod licet tam ipse quam predecessores sui a tempore a quo non existit memoria fecissent et essent in pacifica possessione seu sesina tenendi et habendi in villa Aurelianensi quemdam servientem juxta sue voluntatis arbitrium eligendum quietum et liberum et immunem in villa predicta a tallia et a quibuscumque costumis ratione sui servicii quod vocatur servicium de manutergio quod quidem servicium idem serviens in die cene Domini tenetur singulis annis facere decano et capitulo Aurelianensi et nihilominus tamen baillivus noster Aurelianensis prout idem subdecanus asserebat ipsum super sesina predicta perturbabat indebite intendendo contra justitiam talliam exigere ab hujusmodi serviente tandem inquisita super hoc de mandato curie nostre plenius veritate quia inventum fuit subdecanum predictum esse in sesina tenendi et habendi servientem predictum in villa memorata quietum ut dictum est a tallia et costumis pronunciatum fuit per ipsius curie nostre judicium subdecanum in sesina hujusmodi remanere debere In cujus rei testimonium presentibus litteris nostrum fecimus apponi sigillum Actum Parisiis anno Domini MCCLXXV mense decembri
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
