Charter Document - 04900474
Charter Number: 04900474
Cartulary Title: Recueil de chartes et documents de Saint-Martin-des-Champs [Paris]
Charter Language: Latin
Charter Origin: Lay
Charter Type(s): Freedom
Date: 1184 - 1185
Date Type: Internal, A.D.
Resource Link(s): Cartulaires d'Île-de-France
View Map
Cartulary Title: Recueil de chartes et documents de Saint-Martin-des-Champs [Paris]
Charter Language: Latin
Charter Origin: Lay
Charter Type(s): Freedom
Date: 1184 - 1185
Date Type: Internal, A.D.
Resource Link(s): Cartulaires d'Île-de-France
View Map
Charter:
In nomine Patris et Filii et Spiritus Sancti amen Sciant omnes t p q f quod ego Matheus comes Bellimontis et dominus Valesie assensu uxoris mee Elienor comitisse Bellimontis et assensu Philippi fratris mei dedi concessi confirmavi hospitibus ecclesie Sti Leonorii habitantibus Fresneium libertatem talem quod in perpetuum erant quiti et liberi de omnibus corveiis et de omnibus servitiis de omnibus submonitionibus excepto quod ubicumque Comes Bellimontis ducere poterit homines Cambliaci poterit etiam ducere hospites Sancti Leonorii de Fresneio et hoc sub monitione Prioris Sancti Leonorii Ego enim vel servientes mei super hospites Sti Leonorii infra terminos justicie Fresneii supradicti pertinentis ad Stum Leonorium manus nequaquam injicere poterimus Ubicumque vero predicti hospites terras juxta vias appendentes habuerint Majorem meum requirent ut terris suis metas imponat et postquam cum requisierint ante metarum impositionem in excolendo terras nichil pro forefacto dabunt Sed post impositionem metarum si excolendo terras metas transierint pro forefacto v solidos Belvacensium Comiti Bellimontis dabunt et nichil amplius et ad morem animalium de Belcio rediment hospites sepe nominati animalia sua si ad rectum forefactum capta fuerint et pro habendis pascuis sicut antiquitus habuerunt et pro herbagio dabunt predicti hospites Comiti Bellimontis annuatim xii solidos Belluacensium et de hiis xii solidis habebit Comes x solidos eo quod requirent animalia hospitum quocumque capta fuerint Si vero hospites predicta alia forefacta fecerint quam illa que in hac carta numeravimus Comiti emendabunt Pro hac autem libertate et consuetudine quam dant Comes et Comitissa hospitibus Sancti Leonorii Prior et conventus ejusdem ecclesie prima feria secunda Quadragesime annuatim unum tricesimale incipient pro anima Comitis et pro anima Comitisse et pro animabus omnium antecessorum suorum Preterea Prior Sancti Leonorii antequam festum omnium Sanctorum pretereat reddet Comiti tres modios avene unoquoque anno et hospites eamdem avenam Priori Sancti Leonorii reddent Hujus rei autem confirmationis testes idoneos adstipulamur quorum testimonio hec carta roboratur et qui ad hanc libertatem datam interfuerunt scilicet Theobaldum de Morangle Paganum de Praheriis Radulfum de Puiseux Radulfum de Bellefontaine Petrum de Roncherolles Petrum de Bruieriis Hugonem de Luci Do corduenarium Hugonem camerarium Ut autem hoc inconcussum permaneat sigillorum nostrorum auctoritate cartam hanc solidamus Actum est hoc tempore Ade de Bellomonte tunc temporis prioris Sancti Leonorii anno ab Incarnatione Domini MCLXXXIIII regnante Philippo secundo Francorum rege