Charter Document - 04940149

A tous [] Dreue le Geune [] Pardevant nous Gautier de Lile et Peronelle sa fame de la paroisse Saint Pere de Pontoise [] recognurent que ils avoient pris a cens a heritage perpetuel [] de gens religieus le mestre [] et les sereurs de la Meson Dieu de Pontoise trois pieces de vigne contenans environ ij quartier et demi assise les ij pieces entre Confflans et Aneville lun quartier souz la meson qui fu Henri Poon joignant dune part à la vigne qui fu Jehen du Pont et dautre part a la vigne qui fu Jehan de Meru et lautre demi quartier tenant a la vigne qui fu Agnes la Faviere mouvans du segneur de Montmorenci a huit deniers de chiercens et la tierce piece un quartier seant entre Hem et Nuefville joignant dune part a la vigne qui fu Jehan du Pont et dautre part a la vigne qui fu feu Richart de Beingnecourt mouvans des hoirs feu Jehan Paen a un denier et obole de chiercens a la saint Remi cest assavoir lesdites pieces acensee chascun an pour douze souls parisis dannuel et perpetuel cens quotage [] En tesmoing nous avons mis en ces lettres le scel desusdit lan de grace mil trois cenz et huit le lundi devant Noel