utl logo
UTL Home | Ethiopia Images | Central and Inner Asia Studies

Charter Document - 05020404

Charter Number: 05020404
Cartulary Title: Cartulaire de l'Abbaye de Notre-Dame des Vaux de Cernay
Charter Language: Latin
Charter Origin: Lay
Charter Type(s): Sale
Date: 1241
Date Type: Internal, A.D.
Resource Link(s): Cartulaires d'Île-de-France
map View Map
Charter:
Ego Nicholaus de la Baate armiger notum facio universis quod Guillelmus Gunter de Abluies et Petronilla ejus uxor vendiderunt monachis Vallium Sarnaii unam peciam terre sitam juxta culturam ante portam granchie dictorum monachorum de Proveluz liberam et quitam ab omni redditu et servicio pro viginti et una libris carnotensibus quam terram dicti Guillelmus et ejus uxor tenebant feodaliter a Petro Gunter fratre dicti Guillelmi et predictus Petrus dictum feodum de me tenebat Nos ego videlicet et dictus Petrus tanquam domini feodales venditionem factam laudamus et concedimus volentes ut dicti monachi dictam terram teneant pacifice et in perpetuum possideant in manu mortua sine coactione vendendi vel extra manum suam ponendi Quod si quis contra hoc venire presumpserit nos et heredes nostri dictam terram dictis monachis bona fide tenemur garantire Et quia dictus Petrus Gunter sigillum non habet ego ad petitionem dictorum Petri Guillelmi et Petronille in robur et testimonium presentes litteras sigillo meo roboravi Actum anno Domini millesimo CC quadragesimo mense februario
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter