Charter Document - 05090041

Agrinus divina dispensante clementia humilis Episcopus omnibus Ecclesie Dei fidelibus utriusque sexus et ordinis usquam locorum degentibus Ad multorum constat pervenisse notitiam qualiter Geylo pie recordationis Episcopus predecessor meus sanctum Prudentium de Aquitania transferens in nostrum Episcopium Lingonense detulit et in Besua Monasterio ad laudem et gloriam nominis Dei sollempniter collocavit Ubi ob amorem Dei et reverentiam ejusdem S Prudentii quasdam res Ecclesie sue videlicet Pontiliacum cum adjacentiis suis et Ecclesiam in honore sancti Yppolyti consecratam eidem Monasterio contulit quatinus Monachis et Dei servis ibidem Domino famulantibus futuris temporibus proficiant in aucmentum Quo quidem de hac vita sublato sicut relique res Ecclesie nostre inrationabiliter ad votum diripientium distracte sunt ita quoque et Pontiliacus a loco ubi fuerat a prefato Presule collatus est a Waltario sicut certissimum est sacrilege invasus et indebite alienatus Unde Gaulcaudus Abbas prefati Besue Monasterii cum confratribus suis Monachis nostram humilitatem adiens prejudicium injuste loco illatum lacrymosis questibus innotuit et ut nostra munificentia sublata indebite redderentur pro amore Dei et reverentia Petri et Pauli Apostolorum Principum sanctique Prudentii humiliter deprecatus est Nos igitur deprecationem illius paterne suscipientes eamque cum fidelibus Ecclesie nostre Clericis ac Laicis pertractantes et justam rationabilemque et rectam perspicientes consilio et consensu tocius Ecclesie nostre sicut prefate res ab antecessore nostro sepe dicto loco concesse sunt et nos quoque presentialiter concedimus et hac nostra auctoritate regnante Domino nostro in perpetuum consecramus Ut autem presens nostra restitutio futuris temporibus vigorem inviolabilem optineat et de cetero indebitam injustamque nesciat pati jacturam manu propria roboravimus fideliumque nostrorum subscriptionibus confirmare jussimus successoribus nostris per sanctam et inextricabilem Trinitatem humiliter obnixeque suggerentes ut que a nobis pie statuta sunt ab illis inviolabiliter conserventur Agrinus sancte Lingonensis Ecclesie humilis Episcopus in Christi nomine roboravi et signavi Otbertus Prepositus et Archidiaconus signavi Bernardus Archiclaverius sign Madalgaudus Diacon sign Isaac Archidiac sign Emmarricus Archidiac sign Ewardus Diaconus signavi Helgaudus Presbyter signavi Ursinus Presbiter Arnaldus Archidiac sign Fulculfus Diacon sign Albericus Diacon sign Aclevertus Subdiac sign Wlleus Subdiac sign Siquinus Subdiac sign Josselmus Acolytus signavi Giflerius Acolytus signavi Ego Brantio indignus Presbyter hanc restitutionem scripsi et dictavi II Id Aprilis Indict VIII anno II Regnante Oddone Rege