utl logo
UTL Home | Ethiopia Images | Central and Inner Asia Studies

Charter Document - 05090066

Charter Number: 05090066
Cartulary Title: Chronique de Saint-Pierre de Bèze [Chronique de l'Abbaye de Saint-Bénigne de Dijon: suivie de la Chronique de Saint-Pierre de Bèze]
Charter Language: Latin
Charter Origin: Religious
Charter Type(s): Confirmation
Date: Undefined
Date Type: Internal, A.D.

map View Map
Charter:
In nomine summe et individue Trinitatis videlicet Patris et Filii et Spiritus sancti Ego Lambertus gratia Dei Lingonensis Presul notum cupio fieri omnibus Christum Deum vere credentibus quia cum quadam die essem apud Lingonas et pro modulo cum meis tractarem Clericis simul et Catholicis Laicis de statu sancte Matris Ecclesie confirmando et de religionis depravate vigore recuperando ecce quidam Besuensis Cenobii fratres meis se se presentavere optutibus supplicibus efflagitantes precibus quo corum necessitudini caritate fraternitatis compatiens altare Ecclesie Helprici Curtis concederem ad supplementum presentium ac futurorum fratrum Cujus peticionis implorationem auditam incunctanter studui rebus adimplere quoniam subsidio fulciebatur mercedis future Consentientibus itaque Lingonensium Ecclesie Clericis pariter ac fidelibus Laicis B videlicet Prepositus nec non et L Archidiaconus in cujus supradictum est altare ministerio Besuensi Ecclesie prelibatum altare eterne retributionis gratia ad fratrum relevandam necessitudinem tradidi ea conditione ut obsequia nostre sedi debita temporibus congruis persolvantur Inter ceteros presens aderat Miles quidam Humbertus nomine in cujus beneficio altare predictum videbatur situm Hic Dei gratiam consequi desiderans beneficium illud fratribus ejusdem loci concessit dicens Ego Humbertus ob omnipotentis Dei amorem et anime mee salvationem dono sancto Petro et fratribus Besuensis cenobii beneficium Ecclesie Helpricicurtis consentiente mea conjuge Histiburge scilicet nomine et Siguino filio meo perpetuo jure possidendum ita ut ab hac die suis usibus illud adtribuant et inde subministrent et licentiam faciendi quicquid inde sibi placuerit habeant Si quis vero heredum meorum quod absit huic donationi calumpniam inferre temptaverit legibus coactus auri libras decem persolvat et hec donatio firmitatis et stabilitatis vigorem perpetuo obtineat Actum Lingonis publice VI Idus Januarii Indictione V Anno Incarnati Verbi MXXII Regnante Rotberto Signum Lamberti Episcopi Sig Brunonis Archiclavi Sig Girardi Archidiaconi Sig Humberti Archidiac Sig Oddonis Decani Sig Ansculfi Presbyteri Sig Hugonis Presbyteri Sig Constantii Presbyteri Sig Mauricii Presbyteri Sig Widonis Laici Sig Gotzelmi Laici Sig Odolrici Laici Sig Widonis Laici Sig Rotgerii Laici Sig alterius Rotgerii Sig Humberti Sig Siguini filii ejus
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter