Charter Document - 05130244

Henricus comes filiis Davidis Regis Scotie Episcopis abbatibus comitibus justitiis baronibus vicecomitibus ministris et omnibus probis hominibus totius terre sue clericis et laicis Francis et Anglicis tam presentibus quam futuris salutem Sciatis me dedisse et concessisse in perpetuam elemosinam duas partes Holmcoltrie abbati et monachis ibidem Deo servientibus quas ego et plures probi homines mecum perambulavimus in primis inter eos et Alanum filium Waldeff quando ego tertiam partem predicte Holmcoltrie prenominato Alano ad venationes suas concessi Preterea vero concede et hac mea carta confirmo donationem ejusdem Alani filii Waldeff et Waldeff filii sui de illa tertia sua parte Holmcoltrie quam illi ad venationes suas concesseram quam ipse in presentia patris mei et mea et baronum meorum apud Carleolum predicti loci abbati et monachis in perpetuam elemosinam dedit et concessit et carta sua testante confirmavit Volo itaque ut abbas Holmcoltrie et monachi ibidem Deo servientes habeant plenarie Holmcoltriam per suas rectas divisas in nemore et plano pratis et pascuis piscationibus et aquis et Rabi cum suis rectis divisis sicut ego et barones mei mecum ipsas perambulavimus inter predictos monachos et Anthetillum filium Udardi Concedo etiam eis materiem in forestam de Engleswoda ad edificia sua et ad omnia domi sue necessaria facienda et pasturam porcis eorum sine pasnagio Cum his autem predictis infra terminos abbatie Holmcoltrie et divisas suas tantam pacem et libertatem constituo quantam abbatia de Maylros et abbatia de Neubotla concessione patris mei tranquillius et sanctius et quietius possident et possessionibus suis infra perfruuntur His testibus Adulpho Carleoli episcopo Waltero priore Waltero de Bidun regis cancellario Engerram comitis cancellario Hugo de Morevilla Willielmo de Sommervilla Willielmo de Heriz Willielmo Engaine Raun de Soil Raun de Lundeseai Waltero de Ridale Cospatrico filio Orm Henrico filio Suani Waltero fil Alani Hugone Ridill Alano de Laceles