Charter Document - 05160046
Charter Number: 05160046
Cartulary Title: Édition des actes originaux de l'Abbaye de Maizières, XIIe siècle
Charter Language: Latin
Charter Origin: Religious
Charter Type(s): Notification
Date: 1190
Date Type: Internal, A.D.
View Map
Cartulary Title: Édition des actes originaux de l'Abbaye de Maizières, XIIe siècle
Charter Language: Latin
Charter Origin: Religious
Charter Type(s): Notification
Date: 1190
Date Type: Internal, A.D.
View Map
Charter:
[Ego Odo filius ducis] Burgundie omnibus tam presentibus quam futuris notifico et testificor quod quedam controversia versabatur inter [monachos de Ma]ceriis et Templarios de La Chapellae et homines de La Chapellae de tribus territoriis videlicet de territorio [Des Hasteex de] territorio de La Forest Raynain et de quarta parte territorii Magne Curine Que tria territoria predicti homines [de La Chapellae] tali consuetudine et tali usualitate calumpniabantur quod cum terra eorumdem territoriorum excoleretur redditis [ter]ciis monachis de Maceriis illi prefati homines eadem territoria possent vendere et invadiare et filias maritare et ad libitum suum facere Quibus ita calumpniantibus monachi de Maceriis contradicebant et vim et iniuriam sibi a prefatis hominibus de La Chapellae inferri asserentes totum territorium des Hasteex et totum territorium de La Forest Raynain et similiter quartam partem totius territorii Magne Curine sui iuris esse libere omni usualitate remota affirmabant et mihi et patri meo multociens de tanta iniuria et de dampno quod incurrebant idem monachi proclamationem faciebant Idcirco controversiam illam sopire et fine debito terminare curavi Facto namque in curia patris mei Hugonis scilicet ducis Burgundie antequam iter Hierosolimitanum aggrederetur iudicio et post recessum eius in curia mea eodem iudicio declarato et prosecuto memorata controversia in tantum declarata est et examinata quod cognita veritate apud Divionem in curia mea predicta terra monachis de Maceriis adiudicata est et libere reddita Et quoniam pretexati homines de La Chapellae male et iniuste possederant quicquid monachi de Maceriis pro illa controversia expenderant vel perdiderant ab eisdem hominibus de La Chapellae esse persolvendum monachis est iudicatum Ut autem discordia ista in perpertuum sit sopita et terminata impressione sigilli mei presentem cartulam muniri precepi Acta sunt hec anno ab Incarnatione Domini MC nonagesimo Huius rei testes sunt isti frater Wido tunc abbas Maceriarum Willermus Nicholaus Tecelinus monachi de Maceriis Pontius cellerarius Cisterciensis Stephanus de Monte Sancti Johannis Aymo dominus Marrignei Wido de Marrigneio Renerius de Chastelum Renaudus de Verneto Humbertus de Porta Hugo de Chasuel Leobaudus Ieremie Guiardus Libesors Wido Libesors nepos eius Renaudus vicarius Edue Huo de Apres Petrus tunc prepositus Chaignei Arnulfus Serianz et plures alii Ego W dictus abbas Cistercii huic cartule nostrum feci sigillum apponi in testimonium quod sicut in presenti transcripto continetur ita in scripto autentico sigillo domini Odonis filii ducis sigillato contineatur quod oculis nostris et inspeximus et legimus
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
