Charter Document - 05180043

Omnibus Cristi fidelibus ad quos presens scriptum pervenerit Willelmus Dei gratia Coventr episcopus salutem in Domino Noverit universitas vestra quod cum controversia que vertebatur inter priorem et conventum de Kenill ex una parte et dominum Willelmum de Ardena ex altera super advocatione ecclesie de Hampton in Ardena diutius fuisset ventilata tandem in presentia nostra partibus constitutis amicabili fine in hunc modum conquievit videlicet quod dictus Willelmus iuri quod dicebat se habere in ecclesia de Hampton in Ardena et in eiusdem ecclesie advocatione inperpetuum renuntiavit et ecclesiam et eiusdem advocationem cum omnibus pertinentiis suis a se et heredibus suis dictis priori et canonicis de Kenill quietam clamavit Concessit etiam dictus Willelmus de Ardena pro se et heredibus suis inperpetuum priori et canonicis de Kenill liberum transitum per terras suas ad blada sua colligenda et carianda sine aliquo impedimento ubicumque ipse vel homines sui cum carettis suis transitum habuerint cum omnibus libertatibus et aisiamentis ad predictam ecclesiam pertinentibus Dicti vero prior et canonici de Kenill concesserunt inperpetuum dicto Willelmo et heredibus suis ut ad perpetuam vicariam ecclesie de Hampton clericum idoneum eligant quem memorati prior et canonici diocesano episcopo presentabunt instituendum Et ne inposterum super hiis que ad dictam vicariam pertinent questio oriatur nos de consensu prioris et conventus addito virorum prudentium consilio vicariam memorate ecclesie perpetuam in hac forma duximus taxandam et assignandam videlicet totum altalagium ecclesie de Hampton cum omnibus minutis decimis et obventionibus et cum capellis de Baddesleg et de Nutehurst et cum omnibus terris et pratis ad dictam ecclesiam de Hampton pertinentibus excepta dimidia virgata terre in Belish quam Gilbertus tenuit quam dictus prior et canonici sibi retinuerunt cum omnibus decimis bladi et leguminis de tota parochia de Hampton exceptis decimis ad predictas capellas de Baddesleg et de Nutehurst pertinentibus que vicariam contingent Quicumque vero vicarius pro tempore ad predictam vicariam fuerit presentatus ecclesie de Kenill in capitulo eiusdem loci fidelitatem prestabit quod ecclesie de Kenill fidelis existet et quod viginti solidos nomine pensionis ecclesie de Kenill annuatim ad sustentationem capellani de Belish per eosdem canonicos ministrantis fideliter persolvet videlicet ad Pascha decem solidos et ad festum sancti Michaelis decem solidos Idem vero capellanus de Belish sacramento corporaliter prestito affirmabit quod fidelis erit in omnibus que ad dictam vicariam dinoscuntur pertinere Dictus etiam vicarius omnia onera ecclesie de Hampton tam episcopalia quam archidiaconalia et etiam alia sustinebit Willelmus siquidem de Hampton et heredes sui cum familia sua in capella sua de Cnolle audient divina salva tamen in omnibus matricis ecclesie de Hampton indempnitate Et ne ea que pace sopita sunt denuo suscitentur in litem presenti scripto sigillum nostrum duximus apponendum Hiis testibus domino G priore Coventr magistro Roberto de Bosco archidiacono Coventr magistro Radulpho de Meidenest archidiacono Cest magistro Alexandro archidiacono de Salopbir Philippo de Kynton Willelmo de Hetfeld magistro Iohanne de Bermingham Gervasio camerario et multis aliis