Charter Document - 05181261
Charter Number: 05181261
Cartulary Title: Coventry and Lichfield 1215-1256 Volume 43
Charter Language: Latin
Charter Origin: Religious
Charter Type(s): Agreement
Date: 1253
Date Type: Internal, A.D., Calendar
Resource Link(s): Reference Document for this Embedded Document
View Map
Cartulary Title: Coventry and Lichfield 1215-1256 Volume 43
Charter Language: Latin
Charter Origin: Religious
Charter Type(s): Agreement
Date: 1253
Date Type: Internal, A.D., Calendar
Resource Link(s): Reference Document for this Embedded Document
View Map
Charter:
Notum sit omnibus quod cum diversis temporibus inter priores diversos et eorum conventus Tuttesbir ac rectores diversos ecclesie de Duffeld coram iudicibus tam delegatis a domino papa quam ordinariis super decimis omnibus tam maioribus quam minoribus provenientibus de assartis factis et faciendis in parochia de Duffeld mote fuissent questiones cumque denuo anno Domini MCC quinquagesimo tertio inter Robertum de Stretton rectorem dicte ecclesie de Duffeld petentem ex una parte et Willelmum tunc priorem et conventum de Tuttesbir reluctantes ex altera super prefatis decimis suborta esset materia questionis tandem quartodecimo kalendas Iulii anno prenotato contentio super eisdem decimis per amicabilem compositionem de partium spontanea voluntate intervenienteque consensu expresso nobilis viri domini Willelmi de Ferrar comitis Derb utriusque ecclesie patroni sub hac forma conquievit videlicet quod dicti prior et conventus eorumque successores inperpetuum percipient totam decimam pannagii venationis et mellis de tota foresta de Duffeld et decimas provenientes de veteri dominico in tota parochia dicte ecclesie de Duffeld secundum quod ante tempus istius compositionis eas percipere consueverunt absque contradictione perturbatione et impedimento dicti Roberti et suorum successorum Sepe dictus vero Robertus et successores sui omnes alias decimas totius parochie de Duffeld tam maiores quam minores extantes et accrescentes absque contradictione et impedimento dictorum prioris et conventus percipient inperpetuum Prenominatus quidem Robertus eiusque successores rectores ecclesie de Duffeld pro bono pacis necnon et in recompensatione decimarum quas percipere consueverant sepe dicti prior et conventus de assartis in prenotata parochia de Duffeld decem libras sterlingorum de bonis ecclesie de Duffeld annuatim apud Tuttesbir ad duos anni terminos plenarie persolvent inperpetuum dictis priori et conventui et eorum successoribus videlicet ad festum beati Martini yemalis centum solidos et ad festum nativitatis beati Iohannis baptiste centum solidos adeo quod quicumque fuerit successive rector in eadem ecclesia instituendus post suam institutionem infra duos menses veniet apud Tuttesbir et in capitulo monachorum fidelitatem iuramento corporali prestito faciet quod dictas decem libras suis terminis et loco fideliter et integre persolvet Partes vero prenominate pro se et suis successoribus impetratis et impetrandis processibus quibuscumque super premissis omnibus et singulis habitis et omni exceptioni cavillationi regie prohibitioni fori privilegio et cuiuslibet alterius auxilii canonici vel civilis expresse renuntiantes iurisdictioni Coventr et Lichfeld episcopi qui pro tempore fuerit seu decani Lich si forsan sedem vacare contigerit specialiter se subiecerunt ut eisdem liceat partem qualitercumque renitentem per sententiam suspencionis excommunicationis vel interdicti competenti tamen monitione premissa ad omnium et singulorum supradictorum observationem necnon ad solutionem decem marcarum pro voluntatis arbitrio dictorum episcopi seu decani in pios usus convertendarum nomine pene quotienscumque et quandocumque commissa fuerit sine strepitu iudiciali presenti compositione rata permanente compellere ita quod dicta suspencio excommunicatio vel interdictum donec de dampnis expensis et interesse parti compositionem istam obervanti a parte eam observare nolente plenarie fuerit satisfactum nullatenus relaxetur In cuius rei testimonium partes alternatim huic instrumento una cum sigillo predicti domini comitis Derb sigilla sua apposuerunt in presentia testium subscriptorum videlicet magistri Radulphi thesaurarii Lich ecclesie Hugonis de Meynill Roberti de Mercinton magistri Gilberti de Sancto Leofardo magistri Willelmi de Yrton Iohannis de Tuiforde Iacobi de Bakepuiz et aliorum
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
