utl logo
UTL Home | Ethiopia Images | Central and Inner Asia Studies

Charter Document - 05190310

Charter Number: 05190310
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Memorandum
Date: 1261
Date Type: Internal, A.D.

map View Map
Charter:
Memorandum quod cum anno Domini MCC sexagesimo esset contentio inter abbatem et conventus de Burton ex una parte et dominum Reginaldum rectorem ecclesie de Lega ex altera super quadam pensione annua quinque marcarum dictis abbati et conventui a rectore predicte ecclesie qui pro tempore fuerit annuatim de bonis eiusdem ecclesie debitarum Tandem pro bono pacis die mercurii proxima post festum beati Gregorii anno supradicto ita convenit inter partes apud Sallow in presentia venerabilis patris R Dei gratia Coventrens et Lych episcopi videlicet quod dictus rector et sui successores in perpetuum solvent annuatim predictas quinque marcas abbati et conventui de Burton secundum quod antiquitus solvi consueverunt terminis infrascriptis videlicet ad festum Nativitatis beati Iohannis Baptiste duas marcas et dimidium et ad festum beati Martini duas marcas et dimidium remissis arreragiis si que competebant ex tempore precedenti prestabitque idem rector consensum proprium in hiis que necessaria sunt ad securitatem abbatis et conventus in hac parte patronique consensum quatenus ad ipsum pertinet patronum procurabit in premissis et hoc citra festum Trinitatis anno Domini MCCLX primo diligentiamque adhibebit penes dominum episcopum et capitulum unacum abbate et conventu ut dictum negotium quatenus ipsos tangit perpetuo confirmetur Ad hec divine karitatis intuitu concesserunt dicti abbas et conventus Roberto fratri dicti Reginaldi triginta solidos annuatim percipiendos de camera eorum videlicet in festo sancti Michaelis quindecim solidos et ad Pascha quindecim solidos quousque eidem uberius per ipsos in ecclesiastico beneficio provideatur ita tamen quod omnia ista procedant si premissa cum effectu ut predictum est fuerint procurata alioquin neutri partium per hoc fiat preiudicium Et si forte dicto Roberto uberius beneficium fuerit oblatum quod non duxerit acceptandum nichilominus teneantur ut prius In cuius rei testimonium sigillum predicti domini episcopi presentibus est appensum
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter