utl logo
UTL Home | Ethiopia Images | Central and Inner Asia Studies

Charter Document - 05190318

Charter Number: 05190318
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Grant
Date: 1261
Date Type: Internal, A.D.

map View Map
Charter:
Omnibus sancte matris ecclesie filiis ad quos presens scriptum pervenerit Rogerus Dei gratia Coventr et Lich episcopus salutem eternam in Domino Iustis petentium desideriis facilem convenit prebere assensum et vota que a iuris tramite non discordant effectu subsequenti complere Ea propter ut divina officia in ecclesia nostra Coventr futuris temporibus liberius et quietius exerceantur petitioni ac devotioni dilectorum in Cristo filiorum prioris et conventus Coventr paterno faventes affectu ecclesiam sancti Michaelis Coventr cum capellis et pertinentiis suis scilicet Ansti Shulton Wyke Stoke Bylneie Sowoe Stiveshale Eccleshale Folkeshull Spanna ecclesiam sancte Trinitatis Coventr cum capellis et pertinentiis suis capellam sancti Iohannis cum hospitali et pertinentiis suis ecclesiam de Corleia cum pertinentiis ecclesiam de Hardwyk cum capellis et pertinentiis suis et cum iurisdictione archidiaconali quam possident in eisdem nemus de Parkwode cum ecclesia et edificiis inibi constructis cum iurisdictione archidiconali quam possident in eisdem ecclesiam de Alspath cum suis pertinentiis salvis vicariis taxatis et ordinatis in ecclesiis memoratis item locum super Donnesmore qui vocatur Le Stude cum suis adiacentiis et capella ibidem constructa ius presentandi ad duas prebendas Lich ecclesie in ecclesia de Ulfton consistentes decimas duodecim virgatarum terre in villa de Franketon decimas duodecim virgatarum terre in villa de Napton de feodo dictorum prioris et conventus omnes decimas de Dominiis maneriorum suorum scilicet de Coventr cum omnibus suis pertinentiis de Merston et Hardwyk Southam Ulfton Offechurch Franketon Parkwode Willnhale Sowoe Conndelme Harnhale Beches et de nova terra de assartis omnia etiam bona prelibata [] universa tam ecclesiastica quam secularia temporalia et spiritualia cum omnibus ad eadem pertinentibus que in presentiarum habent seu futuris temporibus domino concedente iustis modis poterunt adipisci eis suisque successoribus concedimus et appropriamus necnon auctoritate pontificali confirmamus in usus proprios perpetuo possidenda ut per eos ecclesie Coventr prenominate cum omnibus libertatibus et liberis consuetudinibus perpetuo libera integra illibataque permaneant In cuius rei testimonium et munimen presenti scripto sigillum nostrum fecimus apponi Datum apud Salowe quinto nonas Martii anno Domini millesimo ducentesimo sexagesimo
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter