Charter Document - 05190319
Charter Number: 05190319
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Notification
Date: 1261
Date Type: Internal, A.D.
View Map
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Notification
Date: 1261
Date Type: Internal, A.D.
View Map
Charter:
Universis Cristi fidelibus presentes literas inspecturis vel audituris Rogerus miseratione divina Coventr et Lich ecclesie minister humilis eternam in Domino salutem Noverit universitas vestra quod nos dilectis filiis in Cristo priori et conventui monasterii beate Marie Coventr ecclesiam de Ofchurch cuius ius patronatus habere dinoscuntur cum omnibus pertinentiis suis in proprios usus inperpetuum habendam divine charitatis intuitu pro nobis et successoribus nostris concedimus ita videlicet quod cedente vel decedente magistro Ricardo dicto Le Vunt rectore ecclesie predicte liceat dictis priori et conventui propria auctoritate sua nostro vel successorum nostrorum irrequisito consensu possessionem ingredi ecclesie memorate in usus proprios perpetuis temporibus retinendam salvis nobis et successoribus nostris in eadem ecclesia iure episcopali et parochiali ac Coventr et Lichf ecclesie dignitate et auctoritate ac etiam loci archidiaconi qui pro tempore fuerit iure archidiaconali quod ei competit vel competere consuevit in ecclesia antedicta reservate etiam nobis et successoribus nostris potestate canonice taxandi vicariam in ecclesia supradicta In cuius rei testimonium presentes literas sigilli nostri impressione fecimus roborari Datum nonis Novembris anno Domini millesimo CCLX primo