Charter Document - 05190580
Charter Number: 05190580
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Arbitration
Date: 1278
Date Type: Internal, A.D., Feast
View Map
Cartulary Title: Coventry and Lichfield 1258-1295 Volume 44
Charter Language: Latin
Charter Origin: Religious
Charter Type(s): Arbitration
Date: 1278
Date Type: Internal, A.D., Feast
View Map
Charter:
Omnibus Cristi fidelibus ad quos presens scriptum pervenerit Rogerus miseratione divina Coventr et Lich episcopus Radulphus de Hengham cancellarius Exoniensis et Alanus dictus Brito thesaurarius Lich salutem in omnium salvatore Noverit universitas vestra quod cum decanus et capitulum Lich ex parte una et religiosi viri abbas et conventus monasterii de Hales ex altera post multas altercationes super iure patronatus ecclesie de Horburne cum suis capellis et appendiciis et annua pensione sex marcarum quas de fructibus ecclesie de Waleshale dicti abbas et conventus solvere consueverunt prefatis decano et capitulo hinc inde habitas ordinationi nostre se submiserint prout in litteris partium plenius continetur nos de virorum consilio prudentium invocata spiritus sancti gratia sic duximus ordinandum videlicet quod iidem abbas et conventus a dicta pensione sex marcarum perpetuis temporibus liberi remaneant et quieti et quod ius patronatus ecclesie de Horburne cum suis capellis et appendiciis eisdem decano et capitulo perpetuo sine conditione qualibet eorundem abbatis et conventus libere permaneat et quiete quodque securitas inde fiat per finalem concordiam in curia domini regis de ipso iure patronatus decano et capitulo supradictis In cuius rei testimonium sigilla nostra presentibus sunt appensa Hiis testibus fratre Aniano episcopo de Sancto Assaph fratre N priore sancti Thome iuxta Stafford magistro Ada dicto de Staunford archidiacono Cestr magistro Iordano archidiacono Derb domino Hugone de Cave rectore ecclesie de Clifton et aliis Dat Lich die sancti Marci evangeliste anno gratie millesimo CCLXX octavo
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
