Charter Document - 05191040

Dicit inquisitio quod ecclesia non vacat quia magister Robertus de Marisc decanus Linc est rector eiusdem a domino R Dei gratia nunc episcopo admissus [et institutus in] eadem et auctoritate eiusdem per loci archidiaconum in corporalem possessionem inductus tanquam persona eiusdem pretextu l [marcarum quas tanquam] rector eiusdem percepit annuatim ratione pensionis quam quidem pensionem tres sui predecessores [similiter perceperunt per] manus bone memorie domini Iohannis quondam vicarii eiusdem ecclesie qui obiit in vigilia Pasche anno supradicto secundum ordinationem quandam inde confectam Dicit etiam quod idem Robertus decanus est in corporali possessione eiusdem ecclesie auctoritate domini Conventr et Lich episcopi nomine custodie sibi ab eodem domino concesse Dicit etiam quod decanus ecclesie Linc [est] patronus dicte ecclesie qui et rector quia Rogerus de Rolliston quondam decanus ecclesie Linc presentavit tanquam patronus eiusdem ecclesie quemdam Nicholaum de E[ssebur]n ad dictam ecclesiam de Esseburn loci diocesano qui ad huius presentationem ipsum admisit et instituit in eadem cum suis pertinentiis Qui quidem Nicholaus dictam ecclesiam sic pacifice possedit toto tempore vite sue post dictam suam institutionem per triginta annos et amplius quo quidem defuncto dominus Willelmus de Turnacho tunc decanus Linc tenuit dictam ecclesiam in proprios usus ex gratia bone memorie domini Alexandri tunc episcopi loci quousque idem decanus Lincoln intravit religionem qui ante eius ingressum presentavit Walterum de Cayam capellanum ad vicariam dicte ecclesie non tunc ordinatam nec taxatam Postmodum vero dominus Rogerus de Wesham decanus Linc presentavit Iohannem de Bercham capellanum ad ipsam ecclesiam ut credit idem capitulum Qui quidem Iohannes secundum ordinationem factam super ecclesia de Esseburn usque ad mortem suam pacifice ipsam ecclesiam tenuit nomine vicarie solvendo inde annuatim nomine personatus decanis ecclesie Lincoln qui pro tempore suo fuerint quinquaginta marcas sterlingorum et dicto Waltero de Cayham quamdiu vixit triginta marcas nomine simplicis beneficii Estimatio autem dicte ecclesie cum omnibus suis capellis est quater viginti marcas annuatim et est sine lite nisi quoad hoc quod dominus rex iam de novo presentavit dominum Petrum de Winton clericum ad eandem persona autem presentata ignota est capitulo et in Deo de meritis ipsius non constat eidem capitulo