Charter Document - 05450026
Charter Number: 05450026
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Confirmation
Date: 1189 - 1193
Date Type: Assigned
View Map
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Confirmation
Date: 1189 - 1193
Date Type: Assigned
View Map
Charter:
Omnibus Christi fidelibus ad quos presens scriptum pervenerit Hugo dei gratia Lincolniensis episcopus salutem in domino Justis postulancium petitionibus adesse pio favore volentes precipue domibus religiosis nostri patrocinii presidium tenemur impertiri ne ea que fidelium largitione ad loca sancta et religiosa collata fuerint beneficia aliquorum prava malignitate possint nimium sive perturbari aut per temporum vetustatem oblivione sepeliri Ad universitatis igitur vestre notitiam volumus devenire nos rata habere et presenti carta confirmare religiose domui sancte Marie et sancti Johannis baptiste de Godestowe et famulabus Christi ibidem deo servientibus ad sustentationem earum perpetuis usibus profutura beneficia fidelium Christi largitate concessa que propriis nominibus duximus explicanda videlicet ex dono bone memorie Alexandri Lincoln episcopi C s annuos in theloneo mercati Bannesbi percipiendos ex dono regis H filii Matildis imperatricis ecclesias de Wicumbe et de Blockesham cum omnibus pertinentiis suis ex dono Ailwini filii Godegose ecclesiam Sancti Egidii cum omnibus pertinentiis suis que sita est extra Oxinefordiam ex dono Agnetis filie Pagani filii Johannis ecclesiam de Dunigtune cum omnibus pertinentiis suis ex dono Symonis de Wahille medietatem ecclesie de Pateshille cum omnibus pertinentiis suis Prefata igitur beneficia sicut eisdem monialibus sunt rationabiliter collata in proprios usus plenarie convertenda et propriis earum capellanis deservienda rata habemus et episcopali auctoritate confirmamus Concedimus etiam predictis ancillis Christi ut sint libere et quiete ab omni exactione et consuetudine atque gravamine salvo episcopali iure et Lincolniensis ecclesie dignitate Quos ut ratum habeatur et firmum presenti scripto et sigillo nostro duximus confirmandum Hiis testibus magistro Stephano cancellario magistro Rogero de Rolvestone magistro Symone de Siwelle magistro Galfrido de Lechelade canonicis Lincolniensis ecclesie Thoma Walerando Eustachio Pagano sacerdotibus de Godestowe Galtero diacono Johanne clerico Thoma senescallo Luca janitore Henrico de Eatune Henrico de Eboraco Willelmo de Baggeherste
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
