utl logo
UTL Home | Ethiopia Images | Central and Inner Asia Studies

Charter Document - 05450107

Charter Number: 05450107
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Agreement
Date: 1275 - 1300
Date Type: Assigned

map View Map
Charter:
Notum sit omnibus Christi fidelibus presentes litteras inspecturis vel audituris quod cum abbatissa et conventus de Godestowe dominum Roginaldum filium Petri per quondam breve quod vocatur quo jure in foro regio traxisset inplacitum eo quod ipse dominus Roginaldus et homines sui de Wolferton et etiam rector loci communem pasturam in bosco qui vocatur Le Frich indebite ut dicebant exigerunt Tandem dictum placitum in hunc modum amicabile compositione inter dictas partes perpetuo conquirint videlicet quod predicte abbatissa et moniales concesserunt predicto domino Roginaldo et heredibus suis et rectori loci et eius successoribus quod liceat eis averia sua scilicet manerii sui et ecclesie de Wolferton habere in pastura predicti bosci del Frich et pannagio quieta Concesserunt et predicte abbatissa et moniales hominibus predicti domini Roginaldi inperpetuum quod liceat eis habere propria averia sua que habent in manerio de Wolferton in predicti bosco pastura et pannagio ita quod pannagium porcorum suorum propriorum habeant quietum Dictus vero dominus Roginaldus predictis abbatisse et conventui pro se et heredibus suis et hominibus suis de Wolferton et predictus rector pro se et successoribus suis relaxarunt et quietam inperpetuum clamaverunt totam terram de La Breche tam in prato et pastura quam in terra arrabili existentem et totum jus et clamium quod nomine pasture vel nomine alicuius alterius juris in ea habuerunt vel habere potuerunt ita quod liceat eisdem sine qualibet eorum contradictione vel inpedimento scilicet abbatisse et conventui predictam terram pratum et pasturam cum omnibus pertinentiis appropriare et in qualescumque usus eam velint deducere prout eis melius et utilius libuerit et expedire visum fuerit integre et quiete et in pace inperpetuum Hoc tantum exceptuo quod predicto Roginaldus et eius heredes et homines sui de Wolferton et predictus rector et eius successores habeant tantum liberum iter ad sua averia ad aquanda ad fontem de La Breche licebit infra predictis abbatisse et conventui prosternere et capere pro sua voluntate de predicto bosco de La Frich prout eis placuerunt et quandocumque voluerint sine contradictione et impedimento seu calumpnia predictorum domni Roginaldi rectoris de Wolferton et eorum heredum et successorum et etiam hominum salvo predicto Roginaldo et heredibus suis jure venationis sue secundum quod de iure fuerit eis salvanda ita tamen quod liceat predictis abbatisse et conventui predictam terram totam cum pertinentiis suis plantare et edificare pro sue motu voluntatis et etiam ibidem homines si voluerint inhabitare Et notandum est quod sepedictus Roginaldus filius Petri pro se et heredibus suis cepit res terras possessiones dictarum abbatisse et monialium de Godestowe in sua defensione et protectione inperpetuum et eadem abbatisse et moniales de Godestowe in missis matutinis in aliis horis suffragiis elemosinis jeiuniis et omnibus aliis que possunt prodesse ad salutem animarum Ut autem omnia predicta inperpetuum stabilia et inconcussa permaneant et robur firmitatis perpetuum optineant presenti scripto in modum cyrographi confecto predicte partes alternatim sigilla sua apposuerunt Hiis testibus dominis Willelmo de Wyntreshulle Johanne Launceleve militibus Henrico de Wodecote Henrico de Edmondestrope Thoma de Menney Willelmo de Cnolle Petro de la Forde Simone Daunvers Ricardo de Boys et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter