Charter Document - 05450396
Charter Number: 05450396
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Confirmation
Date: 1246
Date Type: Assigned
View Map
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Confirmation
Date: 1246
Date Type: Assigned
View Map
Charter:
Omnibus Christi fidelibus presens scriptum visuris vel audituris Robertus filius Race de Mildecumbe salutem Noverit universitas vestra me pro me et heredibus meis concessisse et confirmasse hoc presenti scripto meo conventionem factam inter Matildem matrem meam ex una partem et Jacobum de Hawncia tunc senescallum de Godestowe ex altera de una dimidia virgata terre cum pertinentiis suis de dote sua illa scilicet quam Galfridus faber quondam tenuit et una placia curtillagii et pastura ad centum bidentes ad minus in communi pastura de Mildecumbe continue si noluerit qualiscumque in posterum de pastura fiat extensio sive ammensuratio quam dictam dimidiam virgatam terre cum pertinentiis suis cum predicta placia curtillagii et cum predicta pastura ad centum oves ad minus Matillis mater mea tradidit assensu et voluntate mea dicto J et assignatis suis et specialiter abbatisse et conventui de Godestowe nisi dictus J alibi dictam firmam assignaverit habendum et tenendum dicto J vel quibuscumque ea assignare voluerit secundum cyrographum quod dictus J de dicta M matre mea et de me habet proportat et testatur Concedo etiam et confirmo conventionem inter dictam M matrem meam et me ex una parte et Jacobum superius nominatum ex altera factam de una virgata terre et dimidia pro medietate garbarum et pro medietate chamini in dicta virgata terre et dimidia annuatim crescente sicut in predicto cyrographo continetur Et ego Robertus et heredes mei predictas duas virgatas terre cum pertinentiis suis et predictam placiam curtillagii et predictam pasturam ad centum bidentes ad minus predicto Jacobo et quibuscumque assignatis suis secundum formam dicti cyrographi per spacium sexdecim annorum in ipso cyrographo contentorum secundum quod in ipso cyrographo predivisum est de omnibus consuetudinibus sectis et demandis et omnibus aliis vexationibus acquietabimus warantizabimus et defendemus ita quod dictus J sive assignati sui pro defectu warancie in nullo dampnum incurrent quicquid de predicta M matre mea contingat Pro hac autem concessione dimissione et confirmatione dedit predictus J matri mee et michi ad magnum negotium nostrum tres marcas argenti et dimidia scilicet ad maritandas sorores meas quare volo et firmiter concedo quod omnes articuli in dicto cyrographo contenti fideliter et sine fraude a me et heredibus meis observentur Et ad observationem eiusdem conventionis pro me et heredibus meis fide media me obligavi Et ad maiorem eiusdem rei securitatem presenti scripto sigillum meum apposui Hiis testibus Petro botillario de Mildecumbe Thoma filio Ade Alexandro de Bussely Willelmo de Hedinton Henrico filio Edwini Roberto molendinario Johanne de Blockesham et aliis
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
