utl logo
UTL Home | Ethiopia Images | Central and Inner Asia Studies

Charter Document - 05450399

Charter Number: 05450399
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Agreement
Date: 1283 - 1294
Date Type: Assigned

map View Map
Charter:
Noverint universi has litteras inspecturi quod ita convenit inter Mabiliam permissione divina abbatissam de Godestowe et eadem loci conventum ex una parte et Robertum filium Ade de Middelton ex altera videlicet quod dicta abbatissa et dictus conventus unanimi consensu ac bona voluntate dimiserunt concesserunt et ad feodam tradiderunt dicto Roberto totum illud tenenmentum cum omnibus suis pertinentiis quod habuerunt in villa de Middelton ex dono Alicie de Middilton sororis Radulphi de Aula una cum sex acris terre arrabilis ad dictum tenementum iacentibus in campis de Middelton habendum et tenendum dicto Roberto et heredibus suis de corpore suo legitime procreatis totum predictum tenementum cum omnibus suis pertinentiis una cum sex acris terre arrabilis predictis de dictis abbatissa et conventu et earundem successoribus libere quiete bene et in pace honorifice et integre reddendo inde annuatim dictus Robertus et heredes sui de corpore suo legitime procreati dictis abbatisse et conventui et earundem successoribus x s argenti ad duos anni terminos videlicet ad natale domini v s et ad festum nativitatis beati Johannis baptiste v s et capitali domino feodi illius i d pro omni servitio seculari et demanda ita tamen quod non licebit dicto Roberto nec heredibus suis de corpore suo legitime procreatis dictum tenementum nec dictam terram in toto nec in aliqua parte sui vendere dare legare assignare nec aliquo modo alienare Cum autem dictus redditus x s annualis per annum a retro fuerit tunc licebit dictis abbatisse et conventui et earundem successoribus predictum tenementum et dictam terram in manus suas capere et retinere inperpetuum sine aliqua contradictione seu inpedimento dicti Roberti seu heredum suorum Dicti autem abbatissa et conventus et earum successores dictum tenementum et dictam terram dicto Roberto et heredibus suis de corpore suo legitime procreatis contra omnes homines mares et feminas warantizabunt et defendant Ut autem hec dimisio concessio et traditio rata sit et stabilis presenti scripto dupplicato partes alternatim sigilla sua apposuerunt Hiis testibus domino Amauro de Sancto Amando Johanne de Brittispoi Roberto de Cranford Johanne de Hikemand Willelmo de Lecche et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter