Charter Document - 05450477
Charter Number: 05450477
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Agreement
Date: 1283 - 1294
Date Type: Assigned
View Map
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Agreement
Date: 1283 - 1294
Date Type: Assigned
View Map
Charter:
Noverint universi ad quos presens scriptum pervenerit quod ita convenit inter Mabiliam Wafre abbatissam de Godestowe et eiusdem loci conventum ex una parte et Ricardum de Haneburg tannorem ex altera videlicet quod dicta abbatissa et dictus conventus dimiserunt concesserunt et ad firmam tradiderunt predicto Ricardo octo acras terre arabilis iacentes in campis de Walton quas Hugo filius Hugonis prepositi quondam tenuit habendas et tenendas dictas acras terre cum pertinentiis suis predicto Ricardo ad totum terminum vite sue libere quiete bene et in pace reddendo inde annuatim dictus Ricardus predictis abbatisse et conventui et suis successoribus iv s ad quatuor anni terminos scilicet ad natale domini xii d et ad festum beate Marie in Marcio xii d et ad festum nativitatis sancti Johannis baptiste xii d et ad festum sancti Michaelis xii d pro omni servitio seculari et demanda Dicta vero abbatissa et dictus conventus et earum successores dictas octo acras terre cum pertinentiis suis predicto Ricardo quamdiu vixerit tamen contra omnes mortales warantizabunt per predictum redditum et defendent Pro hac autem dimissione concessione traditione warantizatione et defensione dedit dictus Ricardus predictis abbatisse et conventui tres marcas et dimidiam marcam sterlingorum premanibus In cuius rei testimonium huic scripto in modum cyrographi confecto partes sigilla sua alternatim apposuerunt Hiis testibus Edmundo de Parc tunc senescallo abbatisse predicte Rogero Semere Petro Cudding Hugone de Erdington Paulino de Erditon et aliis