utl logo
UTL Home | Ethiopia Images | Central and Inner Asia Studies

Charter Document - 05450598

Charter Number: 05450598
Cartulary Title: The Latin Cartulary of Godstow Abbey
Charter Language: Latin
Charter Origin: Religious
Charter Type(s): Agreement
Date: 1286
Date Type: Internal, A.D., Regnal

map View Map
Charter:
Noverint universi hoc presens scriptum inspecturi quod ad festum omnium sanctorum anno domini MCC octogesimo sexto et anno regni Edwardi quarto decimo ita convenit inter fratrem Robertum de Ewelme tunc priore domus beate Frideswyde Oxon et eiusdem loci conventum ex una parte et Mabiliam Wafre tunc abbatissam de Godestowe et eiusdem loci conventum ex altera videlicet quod dictus R prior et conventus predicte domus sancte Frideswyde dimiserunt concesserunt et quiete clamaverunt pro se et successoribus suis ut in excambium inperpetuum predictis abbatisse de Godestowe et conventui eiusdem et eorum successorum omnes redditus quos predicta abbatissa et conventus solvere consueverunt predictis priori et conventui beate Frideswyde annuatim ad festum beate Marie in Marcio et ad festum beati Michaelis per equales portiones pro omnibus tenementis suis infra villam Oxon vel extra videlicet de domo quondam Stephani Bisshop que vocatur Shiphalle in parochia beate Frideswyde ii s de domo Hugonis le Paum in parochia sancti Michaelis australis ii s de selda Hugonis le Paum in allutaria in parochia beati Michaelis borealis x s et iii d de domo quondam Bisshop in parochia beati Johannis baptiste que vocatur Elmenehalle ii s exceptis iiii s annuatim recipiendis predictis priori et conventui beati Frideswyde et eorum successoribus inperpetuum de duobus tenementis in Oxon videlicet de selda que quondam fuit Hugonis le Paum in allutaria xxi d ad duos anni terminos scilicet ad festum beate Marie et ad festum beati Michaelis per equales portiones et de tenemento quod quondam tenuit Adam de Spaldinges in parochia beate Frideswide ii s et iii d ad eosdem terminos per equales portiones Consimili modo predicta abbatissa de Godestowe et eiusdem loci conventus pro se et suis successoribus dimiserunt concesserunt et omnino quiete clamaverunt inperpetuum ut in excambium predictis priori et conventui beate Frideswide et eorum successoribus vi s et viii d quos Johannes Payn de Knytetone predicte abbatisse de Godestowe et eiusdem conventui annuatim solvere consuevit et xviii d quos ballivi extra portam borealem Oxon recipere consueverunt pro terra que quondam fuit Deonisie Borewald per annum ad festum beate Marie in Marcio et vi d quos dicti ballivi solebant recipere per annum ad eundem terminum pro Hevedakre et vii d quos dicti ballivi recipere consueverunt per annum ad eundem terminum pro buttes et ii s vii d quos dicti ballivi recipere consueverunt per annum ad festum beati Michaelis pro terra Deonisie Borewalde et Hevedakre et viii d quos heredes Henrici pistore per annum solebant recipere ad festum beati Petri ad vincula pro terris in Bello Monte et xviii d et duas gallinas vel iii d quos heredes Willelmi Cudding solebant recipere per annum ad festum beate Marie et ad festum beati Michaelis per equales portiones pro terris in Bello Monte et de area quondam Serle le boltere in parochia beati Petri orientalis ii s ad eosdem terminos Et ut hec omnia firma et stabilia inperpetuum permaneant huic presenti scripto in modum cyrograffi confecto partes sigilla sua communia alternatim apposuerunt Hiis testibus Philippo de Eu tunc maiore Oxon Radulpho le plomer et Henrico de Gamage tunc ballivis eiusdem Henrico Owayn Johanne de Ew Johanne Sewy Paulino de Cridinton et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter