utl logo
UTL Home | Ethiopia Images | Central and Inner Asia Studies

Charter Document - 05450769

Charter Number: 05450769
Cartulary Title: The Latin Cartulary of Godstow Abbey
Charter Language: Latin
Charter Origin: Papal
Charter Type(s): Confirmation
Date: 1191
Date Type: Assigned

map View Map
Charter:
Celestinus episcopus servus servorum dei dilectis in Christo filiabus abbatisse monasterii sancte Marie et sancti Johannis baptiste de Godestowe eiusque sororibus tam presentibus quam futuris regularem vitam professis inperpetuum Prudentibus virginibus que sub habitu religionis accensis lampadibus per opera pietatis iugiter se preparant ire obviam sponso sedes apostolica debet presidium impertiri ne forte cuiuslibet temeritatis incursus aut eas a proposito revocet aut robur quod absit sacre religionis infringat Eapropter dilecte in Christo filie vestris iustis postulationibus clementer annuimus et prefatum monasterium sancte Marie et sancti Johannis baptiste de Godestowe in quo divino estis obsequio mancipate ad exemplar predecessorum nostrorum felicis memorie Eugenii Alexandrii et Clementis Romanorum pontificum sub beati Petri et nostra protectione suscipimus et presentis scripti privilegio communimus In primis siquidem statuentes ut ordo monasticus qui secundum deum et beati Benedicti regulam in eodem monasterio noscitur institutus perpetuis ibidem temporibus inviolabiter observetur Preterea quascumque possessiones quecumque bona idem monasterium in presentiarum iuste et canonice possidet aut in futurum concessione pontificum largitione regum vel principum oblatione fidelium seu aliis iustis modis prestante domino poterit adipisci firma nobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo prefatum monasterium situm est cum insula et omnibus aliis pertinentiis suis ecclesiam de Wicumbe cum omnibus pertinentiis suis ecclesiam de Blokesham cum omnibus pertinentiis suis totam decimam omnium fructuum de Wodestok jus quod habetis in ecclesiam de Pateshulle ecclesiam de Dantesburnia cum terris et appendiciis suis decimam de Rollendrith ecclesiam sancti Egidii que est extra Oxenford cum pertinentiis suis ecclesiam de Lamieth et ecclesiam de Esendon cum earum pertinentiis ecclesiam de Duninton cum omnibus pertinentiis suis ex dono Henrici regis secundi villam de Wolgaricote cum omnibus pertinentiis item ex dono eiusdem vaccariam de Pancheshale cum pastura et terram in Clera nomine Prevet et ex dono eiusdem Henrici regis et Ricardi regis filii sui duas caretas singulis diebus errantes in bosco de Scothora ad buscham deferendam ad opus monialium ex dono Matildis imperatricis matris eiusdem et suo terram de Scillingford scilicet duas hidas et dimidiam virgatam cum ceteris pertinentiis suis et centum solidatas terre in Walton et piscariam unam in Carewelle cum pratis et pasturis et omnibus pertinentiis suis et nundinas que durant per tres dies plenarios apud Godestowe ad natale sancti Johannis baptiste ex dono Reginaldi de Sancto Walerico molendinum de Wolgarcothe et unam piscariam que vocatur Kinsiswere et prata que vocantur Heringesham Boieham et Liccheseie et terram que iacet inter duas aquas et dimidiam prati quod vocatur Lambeie et eiusdem prati alteram medietatem ex dono Roberti de Olleia ex dono Alexandri quondam Lincoln episcopi c s per annum de teloneo Banneburie ex dono Bernardi de Sancto Walerico pratum quod dicitur Pethesie et ad falcandum idem pratum iiii s per annum ad festivitatem sancti Johannis baptiste ii s in Eardenton et ii s in Leiga ex dono Roberti Exonien episcopi xl [s] annuatim persolvendos scilicet xx s in ecclesia de Ferendon et xx s in ecclesia sancte Marie de Gloucestria ex dono Roberti comitis Leucestien lx solidatas terre in Halsho ex dono Amicie comitisse uxoris eius et illius consensu ii marcas per annum unam in Brackeleiam et aliam in Ferninghou ex dono Reginaldi filii comitis et Emeline uxoris sue et heredum suorum Eatonam cum omnibus appendiciis suis ex dono Nicholai Basset unam hidam terre in Risendon ex dono Raci la Bouch totam dotem matris sue scilicet Hodicote quantum predecessores sui possiderunt scilicet quinque hidas et Cnolle et Swanton cum omnibus pertinentiis suis ex dono Arnulphi de Bolde terram que dicitur Sanford ex dono Rogeri de Almari quinquaginta acras in Blechesdon ex dono Walteri de Peri in eadem villa unam virgatam terre et decem acras ex dono Hugonis de Tiwa nonem solidatas terre in Oxeneford ex dono Rogeri Salesburien episcopi molendinum quod vocatur Boimilna cum terra que eidem adiacet ex dono civium Oxeneford wicham quam tenuit Seginus in Portmanheit iuxta Oxeneford et ex altera parte eiusdem urbis super pontem australem decem et octo solidatas terre ex dono Ambrosii filii Geraldi v s in Winton ex dono Baldewini filii Ingelne in Londoniam in Westchepe xi s [ex dono] Eadwardi filii Siwirine vi s super [Cornhull] ex dono Hugonis archidiacono de Leugre unam shoppam in Westchep et ii s extra portam occidentalem sancti Pauli ex dono Aufredi de Bendevilla molendinum de Botheswurda ex dono Henrici de Oxen unam hidam terre in Walton ex dono Willelmi de Venuz molendinum et terram suam in Hymbeset ex dono Roberti de Meysi in Winton terram suam extra portam aquiloneam et in Selwithestret et Flesmongerestret ex dono Roberti de Evercy virgultum suum extra Gloucestriam apud Kyngesham et mansuram unam ex dono Herberti de Sancto Quintino in Winton duas mensuras infra murum et unam extra ex dono Alani de Leia dimidiam marcam in Pintham ex dono Roberti filii Nigelli unam virgatam terre in Blechesdun ex dono Nicholai de Mutton ii s in Tormenton ex dono Guidonis de Sancto Walerico dimidiam marcam in Ciheton ex dono abbatis de Abbendon et totius conventus quinque acras nomine Pedderesham ex dono Hugonis de Merton unam marcam per annum de molendino de Worthia ex dono Walteri de Clifford molendinum de Framt cum omnibus pertinentiis suis et in wichia quatuordecim mittas salis et unam masagium ex dono Uberti filii Ugonis salinam unam de wichia que dicitur Vacca item in Winton ex dono Herberti filii Westman xvi s et ix d ex dono Edive uxoris Turstemoser iii s et viii d et obulum ex dono Herberti prepositi v s ex dono Willelmi sacerdotis de sancto Pancratio ii s extra portam orientalem ex dono Umfredi capellani abbatisse in Winton super Cheshullus ix s et v d et obulum ex dono Alexandri sacerdotis de Gloucestr xii d ex dono Turkilli prepositi in Bracheleta iiii s ex dono Alani Brasmongier et Edithe uxoris eius dimidiam marcam per annum extra portam aquilonem de Oxenford ex dono Bartholomei de Jokeford dimidiam marcam ex dono Rogeri filii Sewini unam masagium apud Oxen en Catestret ex dono Johannis episcopi Norwicen duo masagia in vico sancti Edwardi ex dono Gaufridi filii Omandi et Matildis uxoris eius unam marcam in Oxen ex dono Vincentii militis de Whitham quinque acras nomine Ruenth cum pertinentiis Sane novalium vestrorum que propriis manibus vel sumptibus colitis sive de nutrimentis animalium vestrorum seu de fructibus arborum vel usibus piscationum nullus a vobis decimas exigere vel extorquere presumat Liceat quoque vobis personas liberas et absolutas e seculo fugientes ad conversionem recipere et eas absque contradictione qualibet retinere Prohibemus insuper ut nulli sororum vestrarum post factam in eodem loco professionem fas sit absque abbatisse sue licentia de eodem loco nisi artioris religionis obtentu discedere discedentem vero absque communium litterarum cautione nullus audeat retinere Cum autem generale interdictum [terre] actum fuerit liceat vobis clausis ianuis exclusis excommunicatis et interdictis non pulsatis campanis suppressa voce divina officia celebrare Crisma vero oleum sanctum consecrationes altarium seu basilicarum ordinationes clericorum qui ad sacros ordines fuerint promonendi et cetera ecclesiastica sacramenta vobis per diocesanum episcopum sine aliqua exactione precipimus exhiberi In parochialibus autem ecclesiis quas habetis liceat vobis sacerdotes eligere et diocesano episcopo presentare quibus si ydonei fuerint episcopus curam animarum committat ut ei de spiritualibus vobis autem de temporalibus debeant respondere Libertates preterea et immunitates quas bone memorie Alexander quondam Lincolniens episcopus rationabiliter de assensu archidiaconi monasterio vestro pia devotione indulsit super hospitiis a vobis a loci archidiacono minime requirendis capellanis ceterisque monasterii ministris iniuste implacitandis nec ire ad sinodum compellendis sicut in predicti episcopi autentico continetur et hactenus est servatum auctoritate apostolica duximus confirmandas Obeunte vero te nunc eiusdem loci abbatissa vel earum qualibet que tibi successerit nulla ibi qualibet surreptionis astutia seu violentia preponatur nisi quam sorores communi consensu vel sororum maior pars consilii sanioris secundum dei amorem et beati Benedicti regulam providerunt eligendam Paci quoque et tranquillitati vestre paterna imposterum sollicitudine providere volentes auctoritate apostolica prohibemus ne quis infra clausuras domorum seu grangiarum vestrarum violentiam vel rapinam seu furtum committere apponere hominem capere vel interficere seu violentiam temere audeat exercere Decernimus ergo ut nulli omnino hominum liceat prefatum monasterium temere perturbare aut eius possessiones auferre ablatas retinere minuere seu quibuslibet vexationibus fatigare set omnia integra conserventur eorum pro quorum gubernatione ac sustentatione concessa sunt usibus omnimodis profutura salva sedis apostolica auctoritate et diocesani episcopi canonica iustitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi reatum suum digna satisfactione correxerit potestatis honoris[que] sui careat dignitate reamque se divino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Jesu Christi aliena fiat atque in extremo examine districte ultioni subiaceat Cunctis autem eidem loco sua una servantibus sit pax domini nostri Jesu Christi Quatinus et hic fructum bone actionis percipiant et apud districtum iudicem premia eterne pacis inveniant Amen
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter