utl logo
UTL Home | Ethiopia Images | Central and Inner Asia Studies

Charter Document - 05460527

Charter Number: 05460527
Cartulary Title: Historia et Cartularium Monasterii Sancti Petri Gloucestriae [Gloucester]
Charter Language: Latin
Charter Origin: Religious
Charter Type(s): Confirmation
Date: 1239
Date Type: Internal, A.D., Abbot-Prior

map View Map
Charter:
Universis Sanctae Matris Ecclesiae filiis abbas de Evesham et prior de Peresora et decanus de Dumbelthone Wygorniensis dyoecesis salutem in Domino sempiternam Mandatum domini Papae in haec verba suscepimus [] Hujus igitur auctoritate mandati abbatem et conventum de Glovcestria et priorem et conventum Montis Acuti et priorem de Malo Passu ad judicium vocavimus Et cum coram nobis et collegis nostris diutius esset altercatum super decimis de Mendelgif et rebus aliis ad ecclesiam de Novo Burgo ab antiquo spectantibus lis mota tandem inter partes sub hac pacis forma conquievit videlicet quod dictus abbas et conventus Sancti Petri Gloucestriae pacifice et plenarie perciperent vel eorum assignati omnes decimas de Mendelgif et de omnibus rebus ab antiquo spectantibus ad ecclesiam de Novo Burgo absque omni impedimento et vexatione Judices autem de consensu partium reservaverunt sibi jurisdictionem compellendi partes ad praedictam pacem fideliter observandam Renunciaverunt etiam partes omni liti motae vel movendae coram quibuscunque judicibus impetratis vel impetrandis ratione et occasione dictarum decimarum ad dictam ecclesiam pertinentium Nos quidem auctoritate domini Papae qua fungimur hanc formam pacis praesenti scripto in modum cyrographi confecto confirmamus et eam decrevimus in perpetuum fore valituram In cujus rei testimonium sigilla nostra una cum sigillis partium de consensu earundem apposuimus Facta fuit vero haec dicta compositio anno gratiae millesimo ducentesimo tricesimo nono domino Henrico Foleth tunc abbate Gloucestriae
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter