Charter Document - 05510184
Charter Number: 05510184
Cartulary Title: Manumission Charters [Durham]
Charter Language: Latin
Charter Origin: Religious
Charter Type(s): Manumission
Date: 1183 - 1195
Date Type: Assigned
View Map
Cartulary Title: Manumission Charters [Durham]
Charter Language: Latin
Charter Origin: Religious
Charter Type(s): Manumission
Date: 1183 - 1195
Date Type: Assigned
View Map
Charter:
Sciant omnes tam presentes quam futuri quod ego Radulfus Dei gratia abbas Winchecumbe totusque Conventus ejusdem loci unanimi consensu et consilio concedimus Ricardo filio Nicholai pretoris de Alna libertatem plenam Pro qua concessione ipse dedit nobis dimidiam marcam argenti Concedimus etiam eidem Ricardo totam terram illam quam includit nova fossa juxta terram Nicholai filii Edwini et post fossam sulcus inter continuas terras descendens usque ad Sichet et ab illo usque ad Wellecumbesichet et ab illo vetus fossa usque ad rubeam viam et a rubea via sub nemore usque ad terram dicti Nicholai et ab eo loco sicut sulcus dividit terram Nicholai ab aquilone usque ad veterem fossam Dictis terminis inclusam concedimus tenendam libere et quiete ab omni servicio ei et heredibus ab eo descendentibus reddendo singulis annis nobis inde xl denarios scilicet xx ad festum Sancte Marie in martio et xx ad festum Sancte Michaelis Concedimus eciam ei communionem in bosco et in pacuis cum hominibus ejusdem ville His testibus Roberto clerico de Alna Eadwino preposito Rogero et Willelmo fratribus Roberto clerico fratre ipsius Ricardi Roberto de Parva Alna Ricardo le Kenteis Oggero janitore Everardo Johanne coco et aliis ministris de abbatia de Winchcumba