utl logo
UTL Home | Ethiopia Images | Central and Inner Asia Studies

Charter Document - 05590009

Charter Number: 05590009
Cartulary Title: Muniments of Holy Trinity Priory Wallingford
Charter Language: Latin
Charter Origin: Religious
Charter Type(s): Agreement
Date: 1295
Date Type: Internal, A.D.

map View Map
Charter:
In Dei nomine Amen Anno Domini MCC nonagesimo quinto cum nuper inter religiosos uiros priorem et conuentum de Walingford ex parte una et Johannem de Spersholt filium quondam domini Willelmi de Spersholt militis ex altera super cantaria quam dictus Johannes a dictis religiosis petebat exorta fuisset materia questionis tandem communi bus amicis interuenientibus dicta peticio seu contencio in hunc modum conquieuit uidelicet quod dicti religiosi de consensu et assensu uenerabilis patris domini Johannis Dei gracia abbatis de sancto Albano facient per suum uicarium de Westhenreth uel per alium ydoneum capellanum in capella dicti Johannis que sita est infra scepta curie dicti Johannis apud Westhenreth per tres dies in septimana tempore et hora competentibus imperpetuum prout facere consueuerunt scilicet die lune die mercurii et die ueneris nisi feriati dies fuerint diuina celebrar[i] Si uero dies feriati predictis tribus inciderint sequenti die uel alia in ebdomada fiet ibidem cantaria Et predictus Johannes et heredes sui antedictis religiosis et ecclesie matrici de Westhenreth pro cantaria predicta imperpetuum facienda annuatim quatuor quarterias bladi uidelicet in festo sancti Michaelis unum quarterium frumenti et unum quarterium ordei et in festo beati Johannis Baptiste unum quarterium frumenti et unum quarterium ordei pro se et suis heredibus imperpetuum concessit et fideliter persoluet Oblaciones uero que ad manus predicti uicarii seu capella ani qui in dicta capella ministrabit euenient predictus uicarius seu capellanus habebit et libere secum portet absque impedimento predictorum Johannis et heredum suorum pro sue libito uoluntatis alie uero oblaciones que ibidem fiunt ad sustentacionem omamentorum et luminis in dicta capella remaneant et de ipsis fiat ad comodum dicte capelle ut hactenus fieri consueuit in ceteris uero iuribus matricis ecclesie in omnibus semper saluis In huius autem composicionis testimonium duo confecta sunt instrumenta quorum unum sigillis predicti domini abbatis et conuentus de Walyngford signatum remanebit predictis Johanni et heredibus suis alterum sigillo predicti Johannis de Spersholt signatum dominis priori et conuentui de Walyngford ad perpetuam rei geste memoriam Hiis testibus Hugone de Sancto Philiberto Galfrido de Turberuil Marchio de Erlee Willelmo Raumpayn Adam de Fauelore et aliis
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter