utl logo
UTL Home | Ethiopia Images | Central and Inner Asia Studies

Charter Document - 05610233

Charter 05610233
Charter Number: 05610233
Cartulary Title: An Edition of the Cartulary of Alvingham Priory
Charter Language: French
Charter Origin: Lay
Charter Type(s): Report
Date: 1300 - 1328
Date Type: Assigned

map View Map
Charter:
Ad accon parcele com vous avez ri auxi com il furent d[] precipe tot soit ceo bref un precipe par qui [] Et dautrepart il serroit meschief dabatre ceo bref du remenant la ou la femme ne put autre bref avoir de ceo Scard Veut ele meintenir son bref Ston De tut forpris iij acres ele menitendra son bref [] Un William porta son bref dentre ad terminum qui preteriit et demanda certeins tenements en Hampton et Sexton en les quex il navoit entre si noun puis le lees qun son aiel qi heir il est fist a Wauter Caunteloue a terme qi passe est Hing La ou vous suppo[sez] qe Hampton et Sexten sint deux villes nous dioms qe Sexton est hamele de Hampton et nent ville iugement du bref Scard A ceo navendrez pas car de ceo purriez vous avoir este a pars avant la vieue et vous avez demande la vieue par qui nous demandons iugement et puis wenia et tendi daverer qi lun et lautre feust ville par soi prest [] Hing Johan voucha a garrant par eide de ceste court levesque de Wynt qi serra en mesme le countee Scar a ceo navendriez mie car vous avez pris autre plee a qui nous avoms ioint [] et issint sumes nous attravers par qui [] Berr Il ne reposa pas la par qui vous ne le ousterez pas de resorte a lautre plee [] Scars Unqore voucher ne devez car celui qi vous vouche ne nul de ses auncestres navoint unqe rien en demande nen service puis la seisine nostre amie de qi nous avoms pas nostre title prest [] Deno Wauter Cauntelou a qi vous supposez ceo lees etre fait feut predecessur levesque li quel sei demist et rendi lez tenementz a un tiel et mist avant la fyn [] et vous ne donez pas laverement solont entendement de statute par qui [] Scars Ceste lei qi nous donne laverement nous est done par statute ou nous couvent server lestat par paroles liverez en le stat[ute] et issint avoms par qui [] Ston Vous nest mie attravers del entendement de statute et si cest averement feusse recu iammes serroit recu iammes serroit r de voucher evesque ne nul homme de religion par le fait son predecessur qi seroit grant meschief Scars Il nest pas meschief car il promit avoir bref de garrant de chartre et puis le voucher feut recu et sit nota [] Johan porta son bref de intrusion et prest son title de la seisine son piere et demanda un mies et un carue de terre en N Toud Mesme cesti porta vers nous un cui in vita et demanda de nous ij mies et ij carues de terre en N qi sont touz lez tenementz qe nous tenoms en N et touz les tenementz qe nous tenoms in N en le cui in vita mis en vieue et cesti bref purchace pendaunt le bref de cui in vita par qui nous demandons iugement du bref Deno En le cui in vita nous [pernoms] nostre title de la seisine nostre miere et en cesti bref de la seisine nostre piere par qui vous ne poiez dire qils sont mesmes lez tenementz mis en vieue en le cui in vita [] Ber Dit nous si le cui in vita pende unqore et coment vous avez iour Trev Monstra coment il avoit iour en le cui in vita et puis Deno Dit qe veut de mesmes les tenementz et alii contra [] Quere si ceo bref de intrusion eust este purchace pendaunt la cui in vita et puis il eust este nounseu en le cui in vita il semble qe cesti bref n'abatera pas quere cum [] Un Johan porta son bref et dit qe William dona lez tenementz a Mabille et a ses heires de son corps engendrez [] De Mabille descendi a Henri com a fitz et heir etc de Henri a Johan com a fitz et heir qore demande [] Will Vous ne poiez action aver qar nous dioms qe lez tenementz furent alienez avant lestat Deno Par qui alienacion car tut furent ils alienez par estrange a la taille lalienacion ne barre pas [] Will Si ceo deisse aliene par Mabille et troue feut qe par Henri unqore serrez vous barre par qui ieo nai mestre a dire [] Deno Et qui si ieo les eusse aliene [] certum est qe ceo la ne li barre pas [] par qui il vous covent dire par quel alienacion Will Aliene par Mabille et alii econtra [] Le priour de O porta son bref [] et demanda par iij precipe certeinz tenementz scilicet par un p[recipe] il demanda une acre de terre [] et dit qun Hugh tient de li xx acres de terre des quex un acre de terre est parcele par fealte et par les services de iij souz par an [] en la quele le tenant navoit entre si noun par Hugh et le quele a li deit reverter pur ceo qe Hugh enfesaunt les services avant ditz en ad cesse [] Scard Nous dioms qe cel acre est overte a sa destr prest [] et alii econtra et quant a un autre precipe qi feut porte vers Alice Scard Qun Johan Pecche par fyn leve granta et rendi lez tenementz a W et Alice vers qi le bref est porte a eux et les heires la baroun et issint dioms nous qe lestat qe nous avoms est par Johan de Pecche par qui iugement du bref Hill Put etre qe votre entre feut par Hugh com vostre bref suppose et qe vous aviez puis change vostre estat et unqore del houre qe vous estes trove tenant votre bref est asset bon Hle Ad idem le bref ne suppose nent qe lestat qe vous avez a ore soit par Hugh einz voet qe vous entrastes par Hugh et ceo put ovesque ceo qe vous avez dit [] Scard Cest un bref de droit et nous mostroms par la fyn qe nous avoms mis avant qe nous navons forqe a terme de vie et le fee et le droit en la pure Un Johan fitz et heir William nostre baron saunz qi nous ne poms mener ceux tenementz en iugement et prioms ede de lui Hill Vostre e[] prier est hors de les desgres et vous ne serrez nent plus r[ien] de prier ede hors de les desgrez qe vous ne serrez de voucher Will Ad idem vous avez conu lentre par Hugh par qui vous ne serrez pas rien daffirmer le droit en autre persone qen sa persone par qui [] et quant al terce precipe qi feut porte vers un Robert il dit qil navoit rien en les tenementz si non ioint ove sa femme nent nome en le bref iugement du bref Will Qui avez de ceo Scard Prest daverer Wilb a ceo navendrez pas car iointtenance chiet en effete [] Ston Quant a vostre eide prier vous priez eide dun qest hors de les desgrez et vous ne monstrez rien fyn ne autre chose qe le droit est a li par qui vous navendrez pas davoir eide de lui Et puis dit Scard qe les tenementz sont overt a la destr prest [] et alii econtra Hill A ceo navendrez sanz effete Scard a la co[]e le homme avoit laverement sanz chartre et nent ouste par lestat par qui [] et puis feut r[ien] et lautre tend daverer qe soul tenant [] Un Johan porta son bref et demanda certeinz tenementz [] les quex un Elisaundre et Alice sa femme doneront a un William et a Johane sa femme et a les heires de lour ij corps engendrez [] et ad fait la decente tannque a li [] Scard Cest bref suppose que femme put faire alienacion qest encountre lei par qui nous demandons iugement du bref Hug Pur rien qest unqore dit put etre qe le doun se fist par fyn ou par Elisaundre en [] et par Alice en queu cas nous naveroms autre bref forqe il donerunt et ne mie reddiderunt Scar Donque devez vous monstrer coment le doun put etre entendu de lei Hle Qui si Elisaundre eusse done par fait en pais et puis la mort Alisaundre Alice relesse [] Cant Sire unqore le bref seroit qe Alisaundre eust done [] et puis il feut chace e r[ien] et demanda vieue [] Un Johan porte son bref dentre que voleit P Richard magistro hospitalis de T et puis le bref voleit et [summone predictum Ricardum] par qui Scard iuge de bref car Richard est nome par noun de dingnete ou en le sum[moneas] seroit sum predictum Richard com seroit abbatem par qi iugement du bref Luffew Maistre nest pas noun de dingnete com est abbe ou evesque par qui [] et ovesque ceo vous avez demande la vieue par qui vous navendrez pas il feust et puis vouche a garrantie et le voucher r[ecu] [] Un Thomas porte son bref de Forme de doun en le decender vers un Johan et demanda certeinz tenementz et dist qun Richard le dona a G et a Is sa femme et a les heires de lour ij corps engendrez [] de G et Is descendi le fee et le droit a Henri com a fitz et heir de Henri a William com a fitz et heir de William a Thomas com a fitz et heir qore demande [] et le bref voleit les quex apres la mort G et Is et Henri fitz et heir G et Is William fitz et heir Henri a Thomas fitz et heir William decendre deivent par la forme de doun [] Deno celi qi demande par bref de Forme de doun en decender se fra heir a celui qui drein feut seisi en la taille et en cesti bref Thomas se fait heir a William en supposant que William feust seisi des tenementz la dioms nous qe William n'avoit unqes rien en les tenementz iugement du bref [] Ston Quel bref li durrez vous Deno Si Henri eust aliene les tenementz issint qe W neust en rien donq dirroit le bref et les quex apres la mort Geffrei Is et Henri fitz et heir G et Is et William fitz et heir Henry a Thomas fitz William et cosin et heir Henri descendre deivent [] et cel bref avez einz ceo Houres meintenu et lautre abatu Ston En notre counte vous Thomas fitz et heir William et si a donque votre bref ne le feisse pas le counte garrauntez par le bref Deno Si serra garraunte en bref daiel en counte homme se sera fitz et heir son pere et en le bref soulement heir son aiel qe drein feut seisi ceo nest pas en son cas qest done en lieu de bref de possession [] Will Ceo que [vous] dit qen cesti bref homme se fra heir a celui qui drein feut seisi ceo nest pas issint de lei einz est qe si homme en cesti bref se fait heir al aiel et ne mie a son piere si ceo puisse dire qe son piere feut seisi le bref abatera [] Toud Ceo prove qil se fera heir a celui qi drein feut seisi [] Trev Si ceux de la channcerie soient apris du fait il ne durront iammes bref en le demandant se fait heir a lautre qi a celi qe drein tendi estat et feut seisi qar par bref deit il monstrer par com bien de pars la taille ad este continue et donque prendre qe li sert en le cas et se faire heir a celui qui drein feut seisi Ston Serroit ceo issue du plee en cest bref de prendre averement le quel William feut seisi ou non Deno Sire qil ceo mette terre en countre bref [] Herl Si G eust aliene partie des tenementz issuit donez en fee taille et puis Henri son fitz le remenant a un mesme persone a qi sefra il heir Deno donque demanderet il par ij brefs solonc ceo qi lalienation est divers Herle [] lalienation ne donne pas cest bref einz fait la forme taille [] Ber En bref de possession ex de drein seisine abat le bref pur ceo que le bref la serra pris tut de la possession mes cest bref est pris par [la] taille de la seisine a qi le doun se fist Deno Mes sire il deit monstrer com bien des persones la taille ad este continue et la forme ad este qil se freit heir a celi qi drein fut seisi [] Ston Ieo crei bien qe le bref ad este meintenu la ou il se fist heir a celui qi drein feut seisi et ceo ne prove nent qe cest abatera ne le vi unqes estre abatu Deno Donque donerez vous diverse forme de bref en un mesme cas qe ne put estre [] Herle A vostre dit vous voudrez abatre cest bref par ex[cepcioun] de drein seisine Denom Certes sire issint put homme qar sil ne face heir a celui qi drein feut seisi le bref sabatera [] Et puis Ston A la a les clercs de la chauncerie les clerks disoient qe forme de la chauncerie seit a faire le demandant heir a celi qui drein feut seisi et a nul autre mes il ne savoit dire nule cas pur que issint sera et ne pur quant le bref feut ajuge bon la demayn Deno Aliene devant state et alii puis lestat prest [] Un William porta son bref de forme de doun [] vers un Robert [] et dit q'un Richard dona les tenementz a Johan et ales heires de son corps engendrez [] et dit qe de Johan [] descendit a William com a fitz et heir qore demande [] Cant Vous ne poiez accon avoir qar nous dioms qe Johan vostre pere [] de ceux tenementz enfeffa une Alice a li et a ses heires a touz iours et obliga [] a Alice et a ses heires et a ses assignes la quele Alice par fyn leve conust son estat a nous assuit qe si nous feussoms enplede dun estrange cest William com heir Johan nous sera teniz a garant com lassigne Alice par qui nous demandons iugement si vous puissez rien demander et dit outre que assetz li feust descendu de Johan com de fee simple [] et mist avant chartre qe Johan fist a Alice et la fyn qe se leva par Alice et Robert Clav Nous navoms rien par descent prest [] Cant Assetz vous feust descendu prest [] car le quel qe vous avez ou non del houre qe assetz vous feust descendu en fee simple vous serez barre [] et puis dit Clav qil navoit rien par descent ne rien ne li feut descendu prest [] et alii econtra Et nota que la fyn qui seleva par Alice et Robert ne feut autre forque Alice conust lez tenementz ore demande com le droit Robert et par cele reconussance Robert granta et rendi mesmes lez tenementz a Alice a terme de sa vie []
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter