Charter Document - 05630454

Iohannes de Scotia comes Cestrie at Huntendonie omnibus presentem cartam inspecturis vel audituris salutem Sciatis me concessisse et dedisse et hac presenti carta mea confirmasse Hugoni Phiton pro homagio et servicio suo totum manerium de Ruston cum pertinentiis suis et villas de Magna Eiton et de Parva Eiton cum omnibus pertinentiis suis habendas et tenendas de me et heredibus meis sibi et heredibus suis libere et quiete plene et pacifice honorifice et hereditarie videlicet in dominicis homagiis villenagiis serviciis in boscis in panagiis in planis in pratis in pasturis in viis in semitis in moris in mariscis in aquis in stagnis in molendinis vivariis piscariis et cum omnibus libertatibus et aisiamentis ad predictum manerium et predictas villas iuste pertinentibus tam infra villas quam extra sine ullo retinemento salvis mihi et heredibus meis placitis ad gladium meum spectantibus faciendo inde mihi et heredibus meis ipse et heredes sui servicium sexte partis feodi unius militis pro omnibus serviciis actionibus et demandis et universis ad me et ad heredes meos inde spectantibus Et preterea concessi et dedi predicto Hugoni et heredibus suis et omnibus hominibus suis in predicto manerio et predictis villis manentibus quietanciam de omnibus placitis foreste mee de la Mare nisi quando cum venacione in eadem foresta capta fuerint et quietanciam pulture servientum et forestariorum et quietanciam secte in comitatibus hundredis et in curia de Weverham faciende et quietanciam assisarum summonitionum et visuum terre faciendarum Et prohibeo super forisfacturam meam decem librarum ne quis dictum Hugonem heredes suos aut homines suos super aliquibus predictis de cetero gravare aut molestare presumat Ego autem et heredes mei predictum manerium et villas predictas cum omnibus pertinentiis suis libertatibus et quietanciis predictis predicto Hugoni et heredibus suis contra omnes gentes in perpetuum warantizabimus In cuius rei testimonium presentem cartam sigillo meo munitam ei habere feci Hiis testibus W Dei gratia tunc abbate Cestrie Thoma de Furnivall Gerardo fratre suo Henrico de Alditheleghe Roberto de Campania Rogero de Monte Alto senescallo Cestrie Hamone de Mascy Warino de Vernon Willelmo de Venables Willelmo de Malo Passu Walkelino de Arderne Ricardo de Sandebach Ricardo de Wibbenburi tunc vicecomite Cestresirie Ricardo de Kingesle Petro de Frodesham Petro et Ricardo clericis et pluribus aliis apud Macclesfeld