Charter Document - 05800072
Charter Number: 05800072
Cartulary Title: Materials for the History of the Church of Lancaster
Charter Language: Latin
Charter Origin: Lay
Charter Type(s): Grant
Date: 1256
Date Type: Internal, A.D.
View Map
Cartulary Title: Materials for the History of the Church of Lancaster
Charter Language: Latin
Charter Origin: Lay
Charter Type(s): Grant
Date: 1256
Date Type: Internal, A.D.
View Map
Charter:
Sciant omnes tam presentes quam futuri quod ego Rogerus filius Viviani de Hesham dedi concessi et hac presenti carta mea confirmavi Deo et Ecclesie beate Marie de Lancastr[e] et Priori et monachis ibidem Deo et beate Marie servientibus pro salute anime mee et Wymark sponse mee et pro animabus antecessorum meorum et successorum meorum in puram et perpetuam elemosinam totam terciam partem meam molendini de Caton bladum et totam terciam partem meam molendini de Caton ad pannos fullendos sine aliquo retinemento cum omnibus pertinenciis suis ut in situ ad molendinum stagno oportuno et libere aque cursu ad dicta molendina et cum libera communia in bosco de Caton ad dictorum molendinorum sufficientem reparacionem et sustentacionem sine alicujus vel aliquorum contradiccione et in omnibus aliis libertatibus et aysiamentis in terra et in aqua dicte porcioni dictorum molendinorum pertinentibus tenendam et habendam imperpetuum de me et heredibus meis dictis Priori et monachis de Lancastr[e] plenarie integre quiete et honorifice in puram et perpetuam elemosinam sicut aliqua elemosina purius liberius et quiecius dari potest concedi et confirmari Ego vero dictus Rogerus et heredes mei dictas porciones dictorum molendinorum cum pertinenciis suis sepedictis Priori et monachis contra omnes homines warantizabimus imperpetuum Et si contingat quod ego Rogerus aut heredes mei in predicta warantizacione quocunque casu defecerimus sufficiens excambium de terra mea de Hesham dicti Priori et monachis sine omni contradiccione plenarie faciemus Et ut hec mea donacio rata et inconcussa permaneat imperpetuum huic scripto sigillum meum apposui Datum apud Caton anno gracie Mcclvj mense Decembris in die Sancti Thome de India Hiis testibus Willelmo de furneys Roberto de Lathum Rogero de Heton Roberto de Coyners Benedicto Gernet et aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
