utl logo
UTL Home | Ethiopia Images | Central and Inner Asia Studies

Charter Document - 05810087

Charter Number: 05810087
Cartulary Title: Materials for the History of the Church of Lancaster
Charter Language: Latin
Charter Origin: Religious
Charter Type(s): Grant
Date: 1215 - 1300
Date Type: Assigned
Resource Link(s): Embedded Document
map View Map
Charter:
Omnibus sancte matris ecclesie filiis ad quos presens scriptum pervenerit Sancte Marie Sancte Trinitatis et Sancti Andree Priores Eboraci salutem Mandatum domini Pape in hec verba suscepimus [] Hujus igitur auctoritate mandati partibus in presencia nostra constitutis lis inter eas mota super dimidia carrucata terre in Pulton in Amondernesse quam predicti Abbas et Conventus de Sagio de Ricardo filio Elye de Werkeley et Matilda uxore sua ut elemosinam suam petebant amicabili composicione in hunc modum conquievit videlicet quod predicti Ricardus et M[atilda] uxor sua predictam dimidiam carrucatam terre et quicquid juris in ea habere poterunt prenominatis Abbati et Conventui de Sagio et monachis de Lanc[astre] dederunt et concesserunt cum omnibus pertinenciis et quietam de se et heredibus suis clammaverunt Ita scilicet quod si ambo predictorum Ricardi et Matilde vel eorum alter vel heredes sui aliquando super predicta terra predictis Abbati et Conventui de Sagio et monachis de Lanc[astre] questionem moverint vel vexacionem fecerint sentencie excommunicacionis quam nos invenientes contra pacis hujusmodi formam protulimus statim subjacebunt Ita quod absolucionis beneficium a nobis vel a successoribus nostris antequam penam xx marcarum si contra premissa venerint monachis de Lanc[astre] persolverint nullatenus impetrabunt Dampnum eciam si ad alicuius perturbacionis seu occasione vexacionis contra predictam pacem intemptate predicti Abbas et Conventus de Sagio et monachi de Lanc[astre] senserint composicione pre dicta in suo statu nichilominus permanente Prefati Ricardus et Matilda et heredes sui prenominatis monachis de Lanc[astre] aut absolucionis beneficium refundent Ne autem predicti R[icardus] et M[atilda] uxor sua vel eorum heredes eisque premissa sunt aliquatenus possint obviare jurisdiccioni nostre de predictis observande et successorum nostrorum remota omni dilacione excusacione cavillacione et appellacione imperpetuum se subjecerunt et ad eorum observacionem et sacramento ab eis corporaliter prestito se astruxerunt Et insuper ad majorem hujus rei securitatem presentem scriptam tam sigillorum nostrorum munimine quam predictorum Ricardi et Matilde uxoris sue fecimus corrobovari Valete
Source (click image below to view full size)
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter