Charter Document - 05840096
Charter Number: 05840096
Cartulary Title: Early Lancashire Charters of the period from the reign of William Rufus to that of King John
Charter Language: Latin
Charter Origin: Lay
Charter Type(s): Confirmation
Date: 1190 - 1194
Date Type: Assigned
View Map
Cartulary Title: Early Lancashire Charters of the period from the reign of William Rufus to that of King John
Charter Language: Latin
Charter Origin: Lay
Charter Type(s): Confirmation
Date: 1190 - 1194
Date Type: Assigned
View Map
Charter:
Johannes Comes Moreton Omnibus hominibus et amicis suis Francis et Anglicis presentibus et futuris Salutem Sciatis me concessisse et hac mea carta confirmasse Henrico filio Warini de Lancastre terras quas Rex Henricus pater meus Dedit Warino patri suo pro servicio suo Scilicet Ravenesmeles Ainuluesdale Vplitherland Liuerpul et Le Franceis et octo denarios Redditus in Burgo de Preston Tenendas illi et heredibus suis de me et heredibus meis per falconariam Quare volo et firmiter precipio quod idem Henricus et heredes sui post ipsum habeant et teneant prenominatas terras per predictum servitium cum omnibus pertinenciis in bosco et plano in viis et Semitis in pratis et pascuis in moris et mariscis in piscariis et aquis in molendinis et in Stagnis bene et in pace libere et quiete pacifice et honorifice plenarie et integre cum omnibus locis et libertatibus et liberis consuetudinibus ad predictas terras pertinentibus sicut predictas Warinus tenuit tempore regis Henrici patris mei Hec omnia Concessi et confirmavi sicut ea concesseram et carta mea confirmaveram Warino de Lancastre patri suo Testibus Stephano Ridel Cancellario meo Willelmo de Kahaign Ricardo de Reuiers Fulcone de Cantelupo Radulfo Walensi Magistro Benedicto Male Docto Canut apud Merleberg