utl logo
UTL Home | Ethiopia Images | Central and Inner Asia Studies

Charter Document - 05860176

Charter Number: 05860176
Cartulary Title: The Cartulary of Meaux
Charter Language: Latin
Charter Origin: Royal
Charter Type(s): Confirmation
Date: 1158 - 1162
Date Type: Assigned

map View Map
Charter:
Henricus rex Anglie et dux Normannorum [et Aquitanorum] et comes Andegavorum archiepiscopis episcopis abbatibus comitibus baronibus iusticiariis vicecomitibus ministris et omnibus fidelibus suis Francis et Anglicis tocius Anglie salutem Sciatis me concessisse et presenti carta confirmasse abbacie de Meausa et monachis ibidem Deo servientibus et servituris imperpetuum in liberam et perpetuam elemosinam omnia terras tenementa et loca redditus et servicia que vel donacione vel empcione vel aliqua alia iusta aquisicione habent vel habituri sunt sicut carte quas inde habent vel habebunt testantur vel testabuntur Quare volo et firmiter precipio quod predicta abbatia et monachi habeant et teneant omnia predicta bene et in pace libere et quiete integre et honorifice in bosco et plano et in pratis et pascuis in viis et semitis in aquis et molendinis in stangnis et vivariis et in omnibus aliis locis rebus possessionibus libertatibus et liberis consuetudinibus suis imperpetuum Et concedo et volo quod dicta abbacia et monachi tam presentes quam futuri habeant libere curias suas in omnibus dominicis terris et locis suis cum universis forisfacturis fugitivorum et felonum et cum infangtheof et assisa panis et servisie et libera ordinacione ballivorum conestabulariorum et aliorum ministrorum suorum cum libera iustificacione et execucione ad premissa spectantibus et amerciamentis et forisfacturis eorundem ubique infra metas terrarum et locorum suorum et nequis eos super hiis desturbet vel inquietet super foris facturam decem librarum ad opus meum et heredum meorum et viginti solidorum ad opus vicecomitis Ebor Testibus Thoma cancellario Ricardo Luci Willelmo Malet Willelmo de Hasting Petro de Bello Campo apud Bons Molins
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter