utl logo
UTL Home | Ethiopia Images | Central and Inner Asia Studies

Charter Document - 05880092

Charter Number: 05880092
Cartulary Title: Glapwell Charters
Charter Language: Latin
Charter Origin: Lay
Charter Type(s): Agreement
Date: 1258 - 1280
Date Type: Assigned

map View Map
Charter:
Nouerint uniuersi quod ita conuenit inter Johannem filium Rogeri de Somerford manentem in Glapwelle ex parte una et Auiciam matrem eius ex altera Videlicet quod predicta Auicia in tota vita sua habebit et tenebit medietatem domus capitalis per postes medias diuisam de capite boriali quam predicta Auicia dedit predicto Johanni et terciam partem curtilagii eiusdem mesuagie et predictus Johannes et heredes sui propriis laboribus et custibus et ex proprio semine totam terram arabilem quam predicta Auicia sibi dedit una cum terra quam de predicto Johanne nomine dotis tenet colere faciet et seminare et predicte Auicie matri eius terciam partem bladi diuidere et ad domum eiusdem Auicie cariare saluo quod predicta Auicia predictam terciam partem bladi sarclare faciet et metere Et predicta Auicia habebit terciam partem feni de pratis de Turnebouteridinges Stobbingsike et ad capita de Southlandes et illud falcare faciet et leuare et predictus Johannes et heredes sui ad domum predicte Auicie illud facient cariare et tota alia herbagia et pasture separabiles predicto tenemento pertinentes predicto Johanni et heredibus suis in pace remaneant Et quicquid predictus et heredes sui in predictis terris aquietandis vel defendendis ut in redditibus firmis forinsecis et omnibus seruiciis rationabiliter apposuerint sibi per predictam Auiciam restituetur Et si ita contingat quod predictus Johannes in fata discesserit predicta Auicia viuente et heredes predicti Johannis vel eorum custos conuentionem prescriptam seruare et tenere noluerint liceat predicte Auicie totum predictum tenementum intrare et ad voluntatem suam in tota vita sua tenere sine aliqua contradictione vel impedimento predictorum heredum ipsius Johannis vel eorum custodum Et ad maiorem huius rei securitatem faciendam hiis scriptis inter eos cirographatis sigilla parcium alternatim mutuo sunt appensa Hiis testibus Simone de Glapwelle Radulfo filio eius Ricardo filio Hugonis de eadem Hugone de Kirtlington in eadem Roberto Hering de eadem Willelmo de Hokenale de eadem Simone de Bateley et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter