Charter Document - 05910080

Anno [ab] Incarnatione Domini mcxxxii qui est annus xix ex quo fuit Gaufridus Abbas Burtonie venerunt Burtoniam Rogerus de Fredevil et uxore jus Sibilla et obtulerunt per unum cultellum super altare Deo et Ecclesie et monachis Burtoniensibus in elemosinam in perpetuum pro salute sua et suorum illam terram in Wulfrichestona solutam et quietam et liberam ab omni servitio et ab omni calupnia quam prius obtulerat Adeliza mater Sibille tempore Nigelli Abbatis et in prato et in terra et in hominibus et in omnibus rebus sicut ei concesserat et Ecclesie ipsa Domina Adeliza et concesserunt et confirmaverunt Ecclesie ipse Rogerus et Sibilla uxor ejus ita libera et quiete habere illam terram sicut eam tenuerat Abbas Nigellus quando unquam melius tenuit Ipsi vero idest Rogerus et Sibilla recepti sunt ab Abbate et a monachis in plenariam societatem et in plenariam fraternitatem esse participes per omnia in omnibus bonis et beneficiis et elemosinis et orationibus quecunque fient in Ecclesia Burtonie usque in finem seculi et usque in sempiternum Hec concessio et hec oblatio prolocuta et pro confirmata apud Cheneillorde coram Domino Rogero Cestrensi Episcopo et ipse est testis hujus concessionis et oblationis et cum eo Prior de Chenellworde et plures alii