Charter Document - 05910339

Omnibus [] Matildis filia quondam Nicholai de Schobinhale salutem Noverit [] me reddidisse pro me et heredibus meis dominis meis Domino Abbati et Conventui de Burtona super Trentam illam serjantiam et custodiam porte sue Abbachie de Burtona simul cum toto corrodio et annuo redditu eisdem pertinente et omnia tenementa tam infra villam de Burtona quam extra que michi pervenerunt ex hereditate et successione Walteri de Schobinhale quondam janitoris sui sine aliquo retenemento [] Pro hac autem redditione [] dederunt et concesserunt michi predicti Abbas et Conventus singulis diebus quamdiu vixero duas michas monachales duos galones cervisie Conventualis sive citere si Conventus citeram bibat et unum denarium pro companagio Et pro qualibet septimana sepiem panes servientium et septem galones cervisie garcionum Et singulis annis unum sextarum duri bladi et unum sextarum avene percipiendos de granario suo de Burtona ad tres anni terminos videlicet in festo Sancti Martini unum quarterum frumenti et unum quarterum avene Et in festo Purificationis Beate Marie dimidium quarterum frumenti et dimidium quarterum bladi liberationum et unum quarterum avene Et in festo Pasche unum quarterum bladi liberationum et unum quarterum avene Et singulis annis unam marcam argenti scilicet [] Et singulis annis sex carectatas bosci unam carectatam feni et unam carectatam foragii ad domum meam per carectas suas cariandas Concesserunt etiam Radulfo filio meo honorabilem victum et vestitum de domo sua Burtonie ita tamen quod pro decem annos a die confectionis presentum continue subsequentes sustentabitur decenter juxta status sui exigentiam in omnibus vite sue necessariis Et post lapsum decem annorum vel infra si eis placuerit serviet in competenti servitio quamdiu sanus et potens fuerit ad laborandum et tunc percipiet mensam et robam cum vernaculis suis Et si forte aliquo morbo vel egritudine detentus fuerit quominus possit laborare tunc durante morbo vel egritudine predictis habebit singulis diebus unum panem Abbatis et alium servientium et unum galonem citere vel citere si Conventus citeram bibat et unum ferculum de coquina sua et unam robam cum vernaculis suis per annum sicut supradictum est [] Hiis testibus Dominis Roberto de Somervile Roberto de Pipe et Roberto de Knitteleye militibus Johanne de Miners Henrico de Alrewas et Ricardo Clerico de Barton Henrico Le Fleccher de eadem Johanne ad finem ville de Horninglowe Rogero Bullok de Stretton et aliis Datum apud Burtonam die Sabbati prox post Assumptionem Beate Marie Virginis anno Domini mcc nonogesimo quinto