Charter Document - 05930021
Charter Number: 05930021
Cartulary Title: The Cartulary of Flavigny, 717-1113
Charter Language: Latin
Charter Origin: Religious
Charter Type(s): Grant
Date: 0865
Date Type: Internal, A.D., Regnal, Calendar
View Map
Cartulary Title: The Cartulary of Flavigny, 717-1113
Charter Language: Latin
Charter Origin: Religious
Charter Type(s): Grant
Date: 0865
Date Type: Internal, A.D., Regnal, Calendar
View Map
Charter:
In nomine trine et summe dominationis Ego Isahac opitulante summi Dei gratia presul humilis sancte sedis ecclesie Lingonensis notum fore cupio presentibus et futuris quod residens in propria sede prelibate ecclesie michi a Deo concesse ministrandi uice dum sanctam celebraremus synodum et pro nostro posse studeremus in melius prouehere officia eiusdem matris ecclesie Deo donante et Sancti Spiritus gratia largiente adiit nos serenissimus sacratissime Eduensis ecclesie Ionas episcopus efflagitanter flagitans authoritatem nostri ordinis quatinus altaria consecrata in honore Sancti Petri apostolorum principis in duabus ecclesiis id est Domni Petri et Acellis et aliud altare dicatum in honore Sancti Sulpicii episcopi et confessoris quod est in ecclesia Fontanis que uidelicet ecclesie sunt in pago Attoriensi constructe suntque de beneficio iuris monasterii Flauiniacensis cuidam Eigilo abbati post futuro archipresuli ecclesie Senonensi congregationi necnon Flauiniaci cenobii a Deo sibi commisse pro redemptione anime sue studeremus perpetualiter condonare Nos igitur uenerabillimi antistitis preces non rennuentes sed cum omni beniuolentia suscipientes assensimus et concedendo concessimus prescripto abbati Eigilo monachisque sibi subiectis monasterii Flauiniacensis prelibata altaria Equiperis nostrorum fidelium uotis eo iuris tenore ut cum decimis altaria teneant et perpetualiter habendo habeant ipsasque ecclesias inmeliorare studeant nostrum quoque memoriale et successorum pontificum huius sancte Linguonensis ecclesie debito uenerationis obsequio percelebrent et debitum synodale quod Sancto Mameti debetur paratas scilicet et eulogias statutis temporibus persoluant Hanc autem cartam nostre beniuolentie non contra statuta kanonum proponere nitimur sed uniti uiscere caritatis et uinculis digni amoris annuimus uotis et precibus supradicti pontificis Quia quod uera caritate agitur nulla ratione destruitur ea quoque qua possumus aucthoritate dampnamus eos qui huius nostre institutionis paginule quid contrarium nisi fuerint uel aliquid corruperint aut uiolauerint Quocirca cum omni authoritate firmamus et firmare fecimus clericis et laicis nostrisque fidelibus ut firma permaneat in omnibus temporibus Actum in synodo Linguonensi publice + Signum Isahac Linguonensis ecclesie episcopi S Vuarini abbatis S Anserii abbatis S Almarici archidiaconi S Arnaldi archidiaconi S Otberti archidiaconi S Vrsini decani S Bemardi archiclauis S Vuarini presbiteri S Madagaldi presbiteri S Galemandi presbiteri S Rotmundi leuite S Sirici leuite S Ingelberti leuite S Gotzelini diaconi S Eurardi diaconi S Duranni diaconi S Arenberti subdiaconi S Vuameri subdiaconi S Gislerii acoliti S Godonis acoliti S Adrialdi acoliti + Ego quoque in Dei nomine Argrimus Linguonensium episcopus relegi et meo signo signaui Signum Geylonis Lingonensis episcopi Ego in Dei nomine Saloardus leuita cancellarii fungens officio dictaui anno incarnationis dominice DCCCLXV regni uero Karoli secundi imperatoris xv die sabbati mense Octobri
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
