Charter Document - 05940016

In nomine sancte et indiuidue trinitatis Karolus gratia Dei rex Si reuerendorum seruorum Dei iustis et rationabilibus petitionibus altitudinis nostre aurem accommodamus regie celsitudinis operibus exequimur et ob id facilius nos diuinam propitiationem adepturos omnino confidimus Quapropter omnium sancte Dei ecclesia tam nostrorum presentium quam et futurorum comperiat sollertia qualiter carissimus et ueneranter recolendus nobis Pardulus Lugdunensis episcopus atque memorabilis rector monasterii Deruensis quod est fundatum in honore beatorum apostolorum Petri et Pauli ubi etiam beatus Bercharius uenerabilis Christi martir et Theodosia uirgo Christi ueneranter habentur humati ad nostram se colligens maiestatem obtulit obtutibus nostris preceptum iamdudum nostra auctoritate firmatum suggerente celsitudini nostre Altmaro illustri uiro et memorati monasterii quondam rectore In qua adnotate uidebantur res et uille unde prefati monasterii monachi necessaries usus percipere debebant Sed non hoc ad eorum supplendam necessitatem superius memorato dilecto nobis uenerabili episcopo Pardulo sufficienter uisum fuit Ideoque et quasdam uillas ipsis aliis rebus sua beniuolentia addere uoluit Et nostra quoque munificentia per adnotationem precepti roborari postulauit Quarum utrarumque rerum integritas hic habetur inserta id est uilla Summa Vera que habet quatuordecim mansa cum basilica eiusdem uille cum suis appenditiis Villa Mortriu que habet mansa uiginti cum sua basilica Villa Tilius que habet mansa quinque cum basilica Villa Saura Terra cum mansis uiginti duobus et propria basilica Dudiniacicortis cum mansis decem et septem cum propriis basilicis Villa Prisciacus cum mansis duodecim et propriis basilicis Villa Brah cum mansis uiginti octo et propria basilica In uilla Cappas mansum unum Et hec sunt res que superadiecit memoratus Pardulus episcopus Id est uilla que nuncupatus Villa cum mansis uiginti et eorum appenditiis et ecclesiis Et in uilla Brais mansa vii cum ecclesia et peditura de pratis quas homines monachorum faciunt qui de eorum uillis ad hoc idem agendum more solito conueniunt Necnon et mancipia de Corniaco quorum hec sunt uocabula Gidiliana cum infantibus suis Huneriana cum infantibus suis Simul etiam quicquid memorati fratrum famuli de iam dictis siluarum concisis extirpare poterint totum in usus fratrum absque subtractione alicuius permaneat Has denique uillas et basilicas cum omni plenitudine id est cum mancipiis et terris cultis et incultis uineis pratis siluis pascuis aquis molendinis aquarumue decursibus exitibus et regressibus et quicquid idem monachi in iam dicto monasterio seu in his locis uel uillis nutriminis ad eorum subleuandam necessitatem facere possunt Simul etiam et omnem elemosinam quam fideles Dei pro absolutione peccatorum suorum illis contulerint ueluti a supradicto uenerabili episcopo Pardulo institutum et deputatum esse cognoscitur per hanc precellentie nostre auctoritatem plenius confirmamus Videlicet ut nullus hominum qualibet iniqua cupiditate aut necessitatis adhibita occasione aut certe temeraria presumptione a potestate et dominatione eiusdem loci monachorum de eisdem uillis siue rebus aliquando aliquid subtrahere aut minuere et in suos usus retorquere conetur sed sicuti a nobilis regali intuitione decretum est liceat ipsis eorumque successoribus nostris et futuris temporibus easdem uillas easdemque res tenere et cum omni pace ad honorem eiusdem monasterii atque ad eorum subuehendam necessitatem disponere et ordinare et pro salute anime nostre ac totius populi Christiani perpetua felicitate piissimi iudicis domini nostri Ihesu Christi misericordiam assiduis precibus implorare Simul etiam addidit capellam sancti Martini que est ex uilla Guioldicurte Quicquid a Deum timentibus personis tam uiris conuersis ibidem ad monasticum ordinem eidem loco diuina pietas uoluerit conferre solummodo in ibidem Deo militantium monachorum usus et necessitates redigatur absque cuiuslibet rectoris insultatione seu refragatione Vt autem hec celsitudinis nostre auctoritas pleniorem semper in Dei nomine obtineat firmitatem manu nostra subter eam firmauimus et de anulo nostro sigillari iussimus S Karoli gloriosissimi regis Gislebertus notarius ad uicem Lucdouuici recognouit Data viii idus [kal ] Februarii indictione ii in anno xvii regnante Karolo gloriosissimo rege Actum Carisiaco palatio regis in Dei nomine feliciter amen