Charter Document - 05960099

Uniuersis Christi fidelibus tam presentibus quam futuris ad quos presens scriptum peruenerit Reinelmus de Burhunta salutem Sciatis quod ego dedi me ipsum ecclesie sancte Marie de Sudwic et me ipsum inter manus prioris eiusdem loci tradens ibidem corpori meo sepulturam elegi et cum me ipso concessi prefate ecclesie et canonicis ibidem deo seruientibus in liberam puram et perpetuam elemosinam unum ferdingum terre quod taleuaz tenuit cum prato eidem ferdingo adiacente integre et plenarie possidendum quod ferdingum iacet iuxta terram molendini eorundem canonicorum quod habent de feudo alexandri de Burhunt scilicet ante portam ipsius Dedi etiam prefatis canonicis in liberam puram et perpetuam elemosinam totam mhoram meam que est subtus culturam de appelsteda usque ad filum aque que descendit subtus curiam canonicorum uersus occidentem usque ad terram molendini quod est ex occidentali parte proxima eiusdem mhore cum uia et semita libere et integre possidendam Dedi uero eisdem canonicis in liberam puram et perpetuam elemosinam vnam acram terre super montem in stapelcroft que iacet proxima iuxta acram ipsorum canonicorum ex australi parte Concessi etiam eisdem canonicis ut acra mea iuxta Widedell que iacet inter acras ipsorum de qua aliquando inter me et ipsos controuersia fuit eiusdem mensure sit in longitudine et latitudine cuius sunt alie acre in eodem forlongo Dedi etiam eisdem canonicis quando ipsi uoluerint licentiam et facultatem libere conducendi per terram meam sicut ipsi canonici uidebunt esse magis utile sibi ipsis et mihi ad anime mee profectum temporibus meis uel heredum meorum fontem de Affewell quem eis dederam in dedicatione prefate ecclesie Sudwic in dotem eiusdem Et quoniam me grauiter errasse cognoui et peccasse deo et ecclesie Sudwic in eo quod decimas meas prout debui et oportuit legitime et plenarie non persolui de preteritis ueniam a deo et priore et conuentu accepi et firmiter in manu prioris promissi et huius scripti auctoritate concessi quod prefata ecclesia de omnibus que mihi et heredibus meis renouantur per annum de quibus secundem institutionem ecclesie decime persoluende sunt libere legitime integre et plenarie sine omni molestia et contradictione a me et heredibus meis percipiat Hec omnia prefate ecclesie et canonicis ibidem deo ministrantibus libere et quiete pacifice et integre in perpetuum possidenda pro salute anime mee et uxoris mee et antecessorum meorum et heredum meorum et parentum meorum concessi et presenti scripto et sigilli mei munimine confirmaui His testibus Roberto de Limes Gaufrido capellano Waltero clerico de Hamel Johanne de Hant canonico de cicestr Magistro Johanne de Insulis karolo de limesi et Radulfo socio eius Nicholao filio herberti Roberto diacono Huboldo Willelmo filio pagani Thoma de sancta Maria Hirdmano Radulfo Hugone Willelmo fratre Waltero simpl Ricardo filio Danielis Roberto de norm Gilleberto Talebot Henrico de Druuall Hunfrido Mahumet