Charter Document - 06000081

Elizabeth uxor Wicardi militis senioris de Morecurt dure infirmitatis tacta incommodo cum et iam diem mortis sue imminere sentiret consilio et assensu eiusdem Wicardi mariti sui et filii sui Wuillelmi de Benais huic ecclesie in qua et ipsa prius modum defuncta tumulata requiescit dedit tres modiatas terre que a predecessoribus suis ei remanserant que terra sita est inter Chelinvillier et nemus nostrum Authuin Ipseque Wicardus tandem Deo inspirante in hoc monasterio monachus effectus concessit nobis iure perpetuo habendum quidquid in alodiis de Bronosco hereditarie possidebat et partem suam unius terre quam cum Gerberto Rapine habebat apud Fraisnote Idem autem Gerbertus antequam predictus miles Wicardus monachus efficeretur in extremis ad nos confugiens et monachicum habitum in morte suscipiens totam terram illam partem suam scilicet et partem Wicardi in eleemosynam huic ecclesie se daturum promisit Si quando apud Wicardum obtinere non potuit ut pars ipsius Wicardi cum parte sua nobis firmiter daretur idem Gerbertus tantumdem terre et tam valentis quantum spatii pars Wicardi obtinebat per Robertum filium suum qui prius mortem patris rem peracturus erat alibi de terra sua nobis se assignaturum spopondit Hoc laudaverunt ipse Gerbertus Rapine et Robertus filius eius et filie ipsius Gerberti Rapine et omnes alii amici sui cum uxoribus et liberis