Charter Document - 06000107
Charter Number: 06000107
Cartulary Title: The Cartulary and Charters of Notre-Dame of Homblières
Charter Language: Latin
Charter Origin: Religious
Charter Type(s): List
Date: 1100 - 1200
Date Type: Assigned
View Map
Cartulary Title: The Cartulary and Charters of Notre-Dame of Homblières
Charter Language: Latin
Charter Origin: Religious
Charter Type(s): List
Date: 1100 - 1200
Date Type: Assigned
View Map
Charter:
Iste est reditus quem magister cocus noster debet habere medietatem omnium crustarum panis qui in pulmentis nostris expenditur et novem denarios pro calceamentis suis et in hebdomada sextarium unum vini ita ut sextarium illud fiat de septem mensuris De porco quem ipse occidit aut facit occidi de quo facit saginem debet habere frustum unum quod vulgariter dicitur cacutium Cum de porco quem ipse excatulisat aut alium facit excatulisare debet habere abdomen quod vulgari nomine dicimus ambanam Si deplumat anseres aut aves alias plumas habebit Omnium anguillarum et patulorum pectinum capita sua sunt Quotidie habet dimidium unius panis et in omnibus precipuis festis duplicatur eius prebenda in pane et vino Singulis mensibus debet habere duo sextaria frumenti in mense augusti habet duo sextaria et dimidium unius in festivitate Omnium Sanctorum debet habere duos modios frumenti Notandum autem quod in omnibus servitiis que in coquina exercentur debet ipse per se aut per alium a se mercede conductum omne medium adimplere