Charter Document - 06010002
Charter Number: 06010002
Cartulary Title: Charters of St-Fursy of Peronne
Charter Language: Latin
Charter Origin: Lay
Charter Type(s): Grant
Date: 1010
Date Type: Internal, A.D.
View Map
Cartulary Title: Charters of St-Fursy of Peronne
Charter Language: Latin
Charter Origin: Lay
Charter Type(s): Grant
Date: 1010
Date Type: Internal, A.D.
View Map
Charter:
In nomine sancte et individue Trinitatis Patris et Filii et Spiritus Sancti amen Antiquorum legalia precoepta patrum nos ubique ammonent in scripturis proximo et sancte ecclesie propria largiri et ablata restituere et quecumque necessaria posteris mortales agant ac operantur litterarum denotationibus alligare ut in futurorum evis firma permaneant et inconvulsa velut a priscis sunt ordinata Quapropter ego Otto comes Viromandensis et Rodobertus Peronensis meus homo legius exhortatione domini mei et fratris Leudulfi episcopi Noviomensis Deo et sanctis ejus apostolis Petro et Paulo et beato confessori Furseo reconciliari gestientes silvam nomine Grosso Foresth Peronensi ecclesie quamdiu eam possederat resignavimus et velut Erchenaldus patricius memorabilis vite ad reedificandam ecclesiam et officinas i persone laicali vel ecclesiastice in aliquo obnoxiam eam contulerat eidem ecclesie abdicavimus tamen indulta nobis venandi in ea et indaginandi licentia Insuper notum fieri volumus nos id libentius egisse exposita nobis pristina excommunicatione super his patrata a sanctis pontificibus Leone apostolici culminis Nivardo Remensi Momoleno Noviomensi sicut in autenticis eorum scriptis continetur Quod ut firmum et inconvulsum permaneat nostri impressione sigilli ac ydoneis corroboratur testimoniis S Leiberti archidiaconi Tornacensis S Udonis decani Peronensis S Yvonis tesaurarii S Droconis canonici Sancti Quintini et Peronensis S Mathei S Lamberti canonicorum presbiterorum S Azelini tunc ebdomadarii S Waltheri presbiterorum vicariorum S Sicheri S Sampsonis S Willelmi canonicorum diaconorum S Reinheri S Segefridi S Petri S Theobaldi canonicorum S Ugonis castellani Peronensis S Gerardi dapiferi comitis S Guntheri pincerne S Baldwini S Odonis S Maineri Albi S Sigardi parium Perone S Balderici villici Peronensis S Gotefridi S Oilardi S Johannis S Leitardi S Volconis scabinorum Actum in ecclesia Peronensi idus julii anno dominice Incarnationis MX indictione septima Ego Gietfridus cancellarius comitis Ottonis scripsi et subscripsi Amen
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
