utl logo
UTL Home | Ethiopia Images | Central and Inner Asia Studies

Charter Document - 06010084

Charter Number: 06010084
Cartulary Title: Charters of St-Fursy of Peronne
Charter Language: Latin
Charter Origin: Religious
Charter Type(s): Renewal
Date: 1164 - 1209
Date Type: Assigned

map View Map
Charter:
Ego Hugo decanus Perone et universum capitulum notum fieri volumus presentibus et futuris quod antiquam ecclesie nostre consuetudinem ad modicum quidem tempus remissius observatam ad utilitatem ecclesie saniori usu consilio renovamus et de cetero firmius observandam decrevimus siquidem ab antiquo institutum est in ecclesia nostra ut si quis canonicus noster sive pro censu sive pro censura quicquam ecclesie debuerit et statuto tempore non solverit et pro ea monitus ab ecclesia infra diem sibi assignatam solvere neglexerit choro et cotidiane distributionis beneficio donec solverit careat si vero contumacibus contra hanc institutionem in choro remanere presumpserit alii omnes de choro exeant et ipso distributione privato eam qui ob hoc de choro exierint integre ac si in choro essent percipiant nec qui hanc penam incurrerit ab ea relaxetur donec et debito et de transgressione mandati ecclesie satisfecerit Adicimus etiam quod qui dictam penam per XL dies sustinuerit nec ecclesie satisfecerit si censuram habuerit ab ecclesia saisiatur et ipse foraneis et absens indicetur si censuram non habuerit nec minus foraneis habeatur si tamen ante completionem XL messium institerit in ipso principio messionum eo facto foraneo censura ipsius saisiatur si quis etiam pro tali debitore fidejussor extiterit nisi ab ecclesia monitus infra diem assignatum satisfecerit eidem sententie subjaceat necnon depositum ecclesie propter ejus voluntatem detrimenti legem eamdem deponimus Hoc autem ut de cetero memoriter teneatur et inviolabiliter observetur scripto commendamus et sigilli nostri impressione munimus districtius et sub anathemate prohibentes ne quis hanc audeat institutionem amodo violare si quis vero contra eam venire presumpserit anathematis vinculo se noverit innodatum
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter