utl logo
UTL Home | Ethiopia Images | Central and Inner Asia Studies

Charter Document - 06010086

Charter Number: 06010086
Cartulary Title: Charters of St-Fursy of Peronne
Charter Language: Latin
Charter Origin: Religious
Charter Type(s): Declaration
Date: 1187 - 1209
Date Type: Assigned

map View Map
Charter:
In nomine sancte et individue Trinitatis amen Hugo Perone decanus et universum ejusdem ecclesie capitulum omnibus in perpetuum Noverint tam presentes quam futuri quod Julianus de Alagnia petiit a nobis ut terram nostram que terra Beati Fursei dicitur quam habebamus in Fulcherei valle Stephano filio suo nomine feodi concederemus promittens se totam terram quam ipse in territorio de Alagnia sub annuo censu trium obolorum peronensis monete jure hereditario de ecclesia nostra tenebat predicto filio suo Stephano ad augmentum feodi concessurum Nos vero petitioni ipsius acquiescentes de consensu ejus sepedictum Stephanum recepto ab ipso hominio de terra quam pater ejus sub annuo censu trium obolorum tenuerat retento quidem nobis censu antiquo annuatim solvendo et de terra que ut dictum est nostri juris erat in Fulcherei valle in qua jure hereditario medietatem terragii habet Ermengardis de Faiel investivimus salva quidem vita patris nomine feodi et sub annua pensione unius modii frumenti legitimi pro qualitate territorii ad mensuram nostram infra festum Omnium sanctorum annuatim Perone solvendi assignato etiam certo servicio quod videlicet tam Stephanus quam successores ejus quicumque feodum jam dictum susceperit semel in anno ad monitionem ecclesie Noviomum vel quo ei ecclesia injunxerit infra episcopatum cum equitatura sua ire vel alium pro se mittere tenebitur ecclesia tantum ei impensas suggerente Quod ut in posterum memoriter teneatur et inviolabiliter utrique conservetur communicato inter nos et ipsum cirographo presentem paginam sigilli nostri appensione muniri fecimus Ego Stephanus cancellarius subscripsi
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter