Charter Document - 06050010

Anno regni regis Henrici filii regis Iohannis xxx secundo et uicesimo nono die Maii presentibus apud Wodestoke tam procuratoribus scolarium Uniuersitatis quam burgensibus Oxon idem dominus Rex concessit eisdem scolaribus libertates subscriptas uidelicet quod si inferatur iniuria predictis scolaribus fiat inde inquisicio tam per uillatas uicinas quam per burgenses predictos Et quod si ipsi burgenses interficiant aliquem de scolaribus Oxon uel in aliquem ipsorum insultum faciant uel alicui ipsorum grauem iniuriam inferant communitas eiusdem uille per se puniatur et amercietur et balliui per se et non cum communitate eadem puniantur et amercientur si negligentes fuerint uel dolum fecerint in exequendo omcium suum contra illos qui huiusmodi iniurias predictis scolaribus inferunt Et quod Iudei Oxon non recipiant a scolaribus pro libra in septimana nisi duos denarios et similiter fiat in minori summa secundum suam quantitatem alioquin predicti Iudei puniantur secundum constitutionem regni Et quod quocienscumque et quandocumque maior et balliui Oxon sacramentum fidelitatis sue prestabunt in loco suo communi communitas eiusdem uille denunciet Cancellario ut per se uel per aliquas electas personas prestationi iuramenti predicti si uoluerit intersit quod quidem iuramentum tale erit quoad scolares predictos uidelicet quod ipsi maior et balliui conseruabunt Hbertates et consuetudines Uniuersitatis predicte alioquin non ualeat iuramentum ipsorum set iterum prestetur secundum formam prescriptam Si uero Cancellarius nec per se nec per procuratorem interesse uoluerit ad iuramentum nichilominus procedatur Et quod duo Aldermanni sint electi et deputati de illis qui pro tempore fuerint secundum quod ordinati erant a domino W de Eboraco ad exhibendam iusticiam cum prepositi abfuerint sub eadem pena qua prepositi tenentur si negligentes uel maliciosi inueniantur Et quod quilibet burgensis Oxon pro familia sua respondeat ita quod si aliquis de familia sua mortem uel grauem iniuriam alicui clerico uel suis inferat malefactorem exhibeat idem burgensis ut fiat de eo iusticia Alioquin infligatur pena secundum consuetudinem regni Et quod quocienscumque debeat fieri temptacio panis et ceruisie ab eisdem burgensibus precedenti die denuncietur Cancellario et procuratoribus Uniuersitatis predicte ut per se uel per aliquos ad hoc deputatos per ipsos si uoluerint intersint temptacioni predicte alioquin non ualeat ipsa temptatio Si uero dicti Cancellarius et procuratores Uniuersitatis per se uel per suos interesse noluerint ad predictam temptacionem nichilominus procedatur In quorum omnium testimonium dominus Radulfus filius Nicholai senescallus domini Regis ad preceptum eiusdem domini Regis huic scripto sigillum suum apposuit eodem domino Rege per litteras suas mandante uicecomiti maiori et balliuis Oxonie ut predictas libertates inuiolabiliter obseruent et faciant obseruari Quas eciam idem dominus Rex fecit inrotulari anno regni sui tricesimo tercio