Charter Document - 06130076

Eodem anno eisdem [] accidit die Dominica proxima post festum Sancti Jacobi Apostoli quod Juliana que fuit uxor Radulfi de Chielmeresford vinetarii venit coram camerario et vicecomitibus et appellavit Robertum Hardel de morte predicti Radulfi viri sui quod idem Robertus nequiter et in felonia contra pacem domini regis in crastino Sancti Jacobi vulneravit ipsum quodam knipulo in sinistra parte corporis Ita quod ex plaga illa obiit in crastino Et ipsa non venit Ideo ipsa et plegii sui de prosequendo in misericordia scilicet Galfridus filius Ricardi de Broham et Aylwinus de Chelmeresford de comitatu Essexie Et ipsa capiatur Et Robertus venit et dicit quod alio anno regni regis Henrici filii regis Johannis xvj coram domino Stephano de Segrave tunc capitali justiciario et aliis justiciariis domini regis de Banco venerunt predicta Juliana et Alicia mater predicti Radulfi et appellaverunt eum de morte predicta Ita quod secundum legem et libertatem Civitatis datus fuit eis terminus xla dierum ad appellum illud respondendum quia summonicio sua nimis brevis fuit Ad quem diem venit predictus Robertus et predicte mulieres coram eisdem justiciariis retraxerunt se et cognoverunt quod non fuit culpabilis de morte illa nec voluerunt sequi versus eum ita quod dominus rex perdonavit ei sectam suam Et quod ita sit ponit se super rotulos predictorum justiciariorum In quibus postea inventum est quod ita fuit Et ideo consideratum est quod idem Robertus sit inde quietus imperpetuum Et quia plegii predicte Juliane de prosequendo coram predictis justiciariis tunc fuerunt amerciati quia ipsa retraxit se ideo ad presens nichil de ipsa neque de plegiis suis