Charter Document - 06170025
Charter Number: 06170025
Cartulary Title: The Manuscripts of His Grace the Duke of Rutland preserved at Belvoir Castle
Charter Language: Latin
Charter Origin: Religious
Charter Type(s): Agreement
Date: 1215 - 1218
Date Type: Assigned
View Map
Cartulary Title: The Manuscripts of His Grace the Duke of Rutland preserved at Belvoir Castle
Charter Language: Latin
Charter Origin: Religious
Charter Type(s): Agreement
Date: 1215 - 1218
Date Type: Assigned
View Map
Charter:
Notum sit omnibus quod hec est conventio facta inter Warinum filium Geroldi et Aliciam de Curcy uxorem suam et Falk de Breute Scilicet quod predictus Warinus et Alicia uxor sua invadiaverunt pro necessitate sua manerium de Wttune cum pertinenciis predicto Falk pro ducentis marcis argenti quas idem Falk supradictis Warino et Alicie uxori sue pre manibus liberavit Et sciendum est quod predictus Falk et heredes sui venientes de uxore sua Margeria de Riveriis que est filia predicti Warini et Alicie uxoris sue habebunt et tenebunt predictum manerium cum pertinenciis pro viginti solidis per annum reddendis ad festum sancti Michaelis quousque prefatus Warinus vel Alicia uxor sua aut eorum heredes prefatam pecuniam dicto Falk aut heredibus suis venientibus de predicta Margeria uxore sua plenarie reddiderint et similiter custum quem idem Falk in emendatione manerii cum pertinenciis posuerit sicut per probos et legales homines monstrare poterit Soluta vero pecunia cum custis supradictis predictum manerium cum pertinenciis predictis Warino et Alicie uxori sue aut heredibus suis solutum remeabit Et si predictus Falk forte ante solutionem pecunie in fata discesserit heredes sui venientes de predicta Margeria uxore sua habeant et teneant predictum manerium cum pertinenciis de dictis Warino et Alicia uxore sua vel heredibus eorum eodem modo sicut predictum est Hanc vero conventionem fideliter observandam et tenendam uter que pro se et heredibus eorum sicut predictum est sacramento corporaliter prestito juravit Et ad maiorem confirmationem predicti Warinus et Alicia uxor sua huic scripto sigilla sua apposuerunt Hiis testibus Domino Petro Wintoniensi episcopo Willelmo marescallo comite Penbroc Willelmo Lungspee comite Sarresbirie Willelmo Bruer Willelmo filio suo Roberto de Curtenay Thoma Basset Alano Basset Henrico filio Gerold Johanne marescallo Ricardo filio Regis Radulfo de Trublevilla Godefrido de Craucumbe et multis aliis
Source (click image below to view full size)
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
