Charter Document - 99900011
Charter Number: 99900011
Cartulary Title: The Hospitaller Cartulary, London
Charter Language: Latin
Charter Origin: Religious
Charter Type(s): Notification
Date: 1439
Date Type: Internal, Regnal
View Map
Cartulary Title: The Hospitaller Cartulary, London
Charter Language: Latin
Charter Origin: Religious
Charter Type(s): Notification
Date: 1439
Date Type: Internal, Regnal
View Map
Charter:
Omnibus Christi fidelibus ad quos presens scriptum indentatum pervenerit frater Robertus Malorre prior hospitalis Sancti Iohannis Ierusalem in Anglia et eiusdem prioris confratres salutem in Domino sempiternam Cum dilectus clericus noster Edwardus Lityll[] tenementum suum vocatum le vyne in vico Sancti Iohannis situatum nobis et ecclesie nostre dederit concesserit legaverit et assignaverit habendum et tenendum nobis et ecclesie nostre predicte ac successoribus nostris de capitalibus dominis feodi illis imperpetuum Noveritis nos prefatum priorem et confratres unanimi assensu tocius capituli nostri concessisse proinde prefato Edwardo quod noster conventus de Clerkenwell[] exequias et missam pro defunctis cum nota pro dicto Edwardo cum de decessu eiusdem Edwardi eidem conventui constiterit una cum cera competenter per nos invenienda celebrabit necnon ab inde omni anno in mense marcii circa kalend[] Aprilis quo die nobilis vir frater Walterus Grendon[] nuper prior prioratus predicti obiit exequias et missam pro defunctis cum nota nomine obitus pro eodem Edwardo ac Rogero Lowe armigero quos suscepimus inter orationes et suffragia dicti conventus nostri cum cera competenter consimiliter invenienda singulis temporibus futuris eciam celebrabit pro quibus quidem primis exequiis et missa predicti Edwardi necnon pro singulis exequiis et missis nomine obitus predicti celebrandis predictus conventus percipiet de exitibus tenementi predicti tresdecim solidos et quatuor denarios monete Et si quod absit contingat dictas exequias et missam pro defunctis cum nota pro predicto Edwardo aut dictas exequias et missam pro defunctis cum nota nomine obitus pro predictis Edwardo et Rogero ut predictum est aliquo tempore non celebrari volunt et concedunt predicti prior et confratres quod extunc bene liceat heredibus predicti Edwardi in dictum tenementum de le vyne reintrare et in illud distringere districciones que sic capt[] retinere quousque exequie et misse predicte sic aretro existentes fuerint celebrate et usque ad satisfaccionem condignam in premissis Nos insuper predicti prior et confratres concedimus eidem Edwardo pretextu donacionis predicte quandam annuitatem quadraginta solidorum durante vita sua de thesauaria nostra predicti prioris apud Clerkenwell[] ad festa purificacionis Beate Marie et Sancti Barnabe Apostoli equaliter percipiendam In cuius rei testimonium sigillum nostrum commune et sigillum predicti Edwardi presentibus alternatim sunt appensa Data in domo nostra de Clerkenwell[] in celebracione capituli nostri ibidem die martis ultimo die mensis iunii anno regni regis Henrici sexti post conquestum decimo septimo
Institution - an Institution associated with either the giver or receiver of a property transaction in a charter
Property - a property place location that is a transaction in a charter
Issued - the issued at place location for the charter
Charter
