utl logo
UTL Home | Ethiopia Images | Central and Inner Asia Studies

Charter Document - 99900170

Charter Number: 99900170
Cartulary Title: The Hospitaller Cartulary, London
Charter Language: Latin
Charter Origin: Religious
Charter Type(s): Grant
Date: 1100 - 1442
Date Type: Assigned
Resource Link(s): Diplomatics Annotated (brat)
map View Map
Charter:
Sciant presentes et futuri quod ego Gosebertus Nicholas civis et mercator de Caturco dedi concessi et hac presenti carta mea confirmavi Roberto Lunecote piscionario London[] et Isabelle uxori sue omnes terras et tenementa cum domibus et omnibus pertinenciis suis quas et que habui super feodum Hospitalis Sancti Egidii extra London[] ex dimissione Rogeri de Amyas civis et piperarii London[] unde quedam pars earundem terrarum et eorundem tenementorum cum domibus superedificatis et pertinenciis suis est inter terram quam Edmundus ad crucem tenuit versus orientem et terram quam Willelmus de Sancto Egidio Allutarius tenuit versus occidentem et extendit se a vico regio ex parte aquilonari usque ad terram que fuit Thome Waleys versus austrum et altera pars predictarum terrarum et dictorum tenementorum cum domibus superedificatiis et suis pertinenciis est inter terram quam predictus Willelmus de Sancto Egidio tenuit versus orientem et terram que fuit predicti Thome le Waleys versus occidentem et extendit se a vico regio predicto ex parte aquilonari usque ad terram que fuit predicti Thome versus austrum videlicet quicquid ibidem habui vel habere potui seu debui ut in terris edificiis lignis lapidibus sepibus fossatis gardinis curtilagiis eisiamentis in longitudine latitudine et rebus cunctis sine aliquo retenemento vel aliqua diminucione habend[] et tenend[] omnes terras et tenementa predicta cum domibus et suis pertinenciis ut predictum est prefato Roberto et Isabelle et heredibus et assignatis suis et cuicumque quibuscumque aut quandocumque dare vendere legare inpignorare vel quocumque alio modo assignare voluerint et eorum heredibus de me heredibus et assignatis meis libere quiete bene et in pace in feodo et hereditate inperpetuum Reddendo inde annuatim iidem Robertus et Isabella heredes vel assignati sui michi heredibus vel assignatis meis unam rosam ad festum Nativitatis Sancti Iohannis Baptiste et predicto Rogero de Amyas heredibus vel assignatis suis unum clavum gariophili ad Pascha et Waltero le Waleys et heredibus suis unum par cirothecarum precii unius denarii vel unum denarium argenti ad festum Natalis Domini Et predicto hospitali Sancti Egidii quatuor solidos et septem denarios argenti ad duos anni terminos videlicet ad Pascha viginti septem denarios et obulum et ad festum Sancti Michaelis viginti septem denarios et obulum et heredibus vel assignatis Ade de Basinges quondam civis London[] quatuordecim solidos argenti ad quatuor anni terminos videlicet ad Pascha tres solidos et sex denarios ad festum Nativitatis Sancti Iohannis Baptiste tres solidos et sex denarios ad festum Sancti Michaelis tres solidos et sex denarios et ad Natale Domini tres solidos et sex denarios pro omnibus serviciis consuetudinibus exaccionibus demandis secularibus et rebus cunctis salva tum secta curie predicto hospitali annuatim inde debita et consueta Et ego Gosebertus predictus heredes et assignati mei omnes predictas terras et predicta tenementa cum domibus et omnibus pertinenciis suis ut predictum est prefato Roberto et Isabelle heredibus et assignatis suis quibuscumque contra omnes homines et feminas Christianos et Iudeos warantizabimus defendemus et acquietabimus per predicta servicia inperpetuum Pro hac autem donacione concessione warantia defensione acquietacione et presentis carte mee confirmacione dederunt michi Predicti Robertus et Isabelle uxor eius viginti marcas argenti pre manibus ingersumam et ut omnia premissa robur perpetue firmitatis optineant presentem cartam sigilli mei inpressione roboravi Hiis testibus Ricardo de Chigewelle Gerino le Lingedraper Willelmo Cristemasse Willelmo atte Wellelmo Iohanne le Mason[] Willelmo Chese Stephano de pistrino Willelmo de Geytene Edmundo ad Crucem Elya Algar Willelmo le Corduaner tunc serviente Iohanne clerico et multis aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter