utl logo
UTL Home | Ethiopia Images | Central and Inner Asia Studies

Charter Document - 99900366

Charter Number: 99900366
Cartulary Title: The Hospitaller Cartulary, London
Charter Language: Latin
Charter Origin: Religious
Charter Type(s): Grant
Date: 1100 - 1400
Date Type: Assigned

map View Map
Charter:
Sciant presentes et futuri quod ego Agnes filia Willelmi Bony de Thaleworth[] in mea viduitate et legia potestate dedi et concessi et hac presenti carta mea confirmavi Galfrido filio Alfwini carpentarii de Thaleworth[] cum Avelina filia mea in liberum maritagium unam acram terre mee cum pertinenciis suis in Thaleworth[] unde una dimidia acra terre iacet super Sunderhersse inter terram quondam Petri de Capella et terram Iohannis le Lawere et suum capud orientale abuttat super terram Willelmi pistoris versus le Butine et alia dimidia acra iacet super heldam inter terram Odonis carpentarii ex utraque parte et suum capud occidentale abuttat super terram Willelmi de Thaleworth[] preterea dedi eidem Galfrido cum dicta Avelina unam placiam terre in curcillo meo in Taleworth que iacet protendens a capite fontis usque ad pirum inter le Sutheg[] et Stachios qui interponuntur habendam et tenendam de me et heredibus meis predictis Galfrido et Aveline filie mee et heredibus eorum vel cui et quando dare vendere legare vel assignare sani vel egri voluerint libere quiete bene et in pace cum iure hereditario reddendo inde per annum michi et heredibus meis tres denarios ad duos anni terminos scilicet ad festum Sancti Michaelis tres obulos et ad Pascha tres obulos pro omnibus serviciis consuetudinibus sectis et secularibus demandis salvo regali servicio super tanto tenemento pertinente in eadem villa et ego predicta Anges et heredes mei predictis Galfrido et Aveline filie mee et heredibus eorum vel eorum inde assignatis predictam acram terre cum pertinenciis suis et predictam peiciam terre iacentem in orto meo inter pirum et fontem et Sutheg[] et Stachios interponitos per predictum liberum servicium contra omnes homines et feminas warantizabimus acquietabimus et defendemus imperpetuum sigilli mei munimine hanc presentem cartam corroborante hiis testibus Willelmo de Stroda Iohanne de Grapelingesham Hamone pistore Willelmo de Taleworth[] Odone filio Matildis Iohanne in le Hale Henrico But Ricardo de Wyk[] Petro Graunt Willelmo pistore Waltero de Willesdon[] Waltero clerico et aliis
institution Institution - an Institution associated with either the giver or receiver of a property transaction in a charter
property Property - a property place location that is a transaction in a charter
issued Issued - the issued at place location for the charter
charter Charter